نئی دہلی:  بھارت نے خضداربلوچستان میں سکول بس پر دہشت گردانہ حملے میں ملوث ہونے کا الزام ’بے بنیاد‘ قرار دے دیا۔بھارتی وزارت خارجہ کے ترجمان رندھیر جیسوال نے کہاکہ بھارت خضدار میں ہونے والے دہشت گردی کے حملے اور انسانی جانوں کے ضیاع پر افسوس کا اظہار کرتا ہے اور پاکستان کی جانب سے اس حملے میں بھارتی ہاتھ کے بے بنیاد الزامات کو رد کرتا ہے۔ انہوں نے دعویٰ کیا کہ پاکستان اپنے اندرونی معاملات سے توجہ ہٹانے کے لیے تواتر سے بھارت پر الزام تراشی کرتا رہتا ہے۔