دبئی (اسپورٹس ڈیسک) — قومی ٹی ٹوئنٹی اسکواڈ کے انٹرا اسکواڈ پریکٹس میچ میں سلمان الیون نے سنسنی خیز مقابلے کے بعد حارث الیون کو 2 رنز سے شکست دے دی۔

تفصیلات کے مطابق سلمان الیون نے پہلے بیٹنگ کرتے ہوئے مقررہ 20 اوورز میں 142 رنز اسکور کیے۔ اوپنر حسن نواز نے 39 گیندوں پر شاندار نصف سنچری (50 رنز) بنائے، جبکہ صائم ایوب نے 45 اور صاحبزادہ فرحان نے 25 رنز جوڑ کر بیٹنگ لائن کو سہارا دیا۔

بالنگ میں حارث الیون کے صفیان مقیم نے 3 وکٹیں حاصل کیں جبکہ سلمان مرزا اور حسن علی نے 2، 2 کھلاڑیوں کو پویلین واپس بھیجا۔

ہدف کے تعاقب میں حارث الیون کی ٹیم 19.5 اوورز میں 140 رنز بنا کر آؤٹ ہوگئی۔ بیٹنگ میں محمد عرفان 36 اور ماینک چوہدری 30 رنز کے ساتھ نمایاں رہے۔

میچ کے ہیرو رہے شاہین شاہ آفریدی، جنہوں نے شاندار بالنگ کرتے ہوئے 5 کھلاڑیوں کو آؤٹ کیا۔ اس کے علاوہ محمد نواز اور سلمان علی آغا نے بھی 2، 2 وکٹیں حاصل کیں۔

واضح رہے کہ سہ ملکی سیریز اور ایشیا کپ 2025 کے لیے پاکستان کرکٹ ٹیم کا ٹریننگ کیمپ دبئی میں 27 اگست تک جاری رہے گا۔