ملک بھر کے مختلف دریاؤں میں پانی کے بہاؤ کی تازہ ترین صورتحال جاری کر دی گئی ہے، جس کے مطابق کئی مقامات پراونچے اور انتہائی اونچے درجے کا سیلاب ریکارڈ کیا گیا ہے۔
دریائے راوی: شاہدرہ کے مقام پراونچے درجے کا سیلاب ہے، جہاں پانی کا بہاؤ1 لاکھ 3 ہزار 160 کیوسک تک پہنچ چکا ہے۔
ہیڈ بلوکی:پر صورتحال مزید سنگین ہے، جہاں انتہائی اونچے درجے کا سیلاب ریکارڈ کیا گیا ہے اور بہاؤ1 لاکھ 57 ہزار 65 کیوسک ہے۔
ہیڈ سدھنائی: پر بھی انتہائی اونچے درجے کا سیلاب ہے، یہاں پانی کا بہاؤ97 ہزار 242 کیوسک ہے۔
دریائے چناب:چینوٹ کے مقام پراونچے درجے کا سیلاب جاری ہے، پانی کا بہاؤ2 لاکھ 64 ہزار 191 کیوسک ہے۔
ہیڈ تریموں: پر صورتحال مزید نازک ہے، یہاں پانی کا بہاؤ 4 لاکھ 49 ہزار 668 کیوسک تک پہنچ چکا ہے۔
ہیڈ پنجند: پر بھی اونچے درجے کا سیلاب ہے، اور پانی کا بہاؤ3 لاکھ 84 ہزار 124 کیوسک ریکارڈ کیا گیا ہے۔
دریائے ستلج: گنڈا سنگھ والاکے مقام پرانتہائی اونچے درجے کا سیلاب ہے، پانی کا بہاؤ3 لاکھ 3 ہزار 828 کیوسک ہے۔
ہیڈ سلیمانکی:پراونچے درجے کا سیلاب جاری ہے، پانی کی سطح1 لاکھ 37 ہزار 232 کیوسک تک پہنچ چکی ہے۔
ہیڈ اسلام پردرمیانے درجے کا سیلاب ہے، جہاں پانی کا بہاؤ1 لاکھ 3 ہزار 465 کیوسک ریکارڈ کیا گیا ہے۔
حکام نے نشیبی علاقوں میں سیلابی صورتحال کے پیش نظر الرٹ جاری کر دیا ہے اور مقامی آبادی سے اپیل کی گئی ہے کہ وہ محتاط رہیں اور ضلعی انتظامیہ سے تعاون کریں۔