لاہور(اسپورٹس ڈیسک) بائیں ہاتھ کے فاسٹ بولر وقاص مقصود نے انٹرنیشنل کرکٹ سے ریٹائرمنٹ کا اعلان کر دیا۔

پاکستان کرکٹ بورڈ کے مطابق 37 سالہ وقاص مقصود نے اپنے کیریئر کا واحد ٹی ٹوئنٹی نومبر 2018 میں دبئی میں نیوزی لینڈ کے خلاف کھیلا تھا۔ اس میچ میں انہوں نے 1.5 اوورز میں 21 رنز دے کر 2 وکٹیں حاصل کیں اور پاکستان کی جانب سے کھیلنے والے 80 ویں ٹی ٹوئنٹی کرکٹر بنے۔

فیصل آباد سے تعلق رکھنے والے وقاص مقصود نے 2011 سے 2023 تک ڈومیسٹک سطح پر 81 فرسٹ کلاس، 56 لسٹ اے اور 68 ٹی ٹوئنٹی میچز کھیلے۔

وہ پاکستان سپر لیگ میں اسلام آباد یونائیٹڈ اور کراچی کنگز کا بھی حصہ رہے۔