کرشنگری(ویب ڈیسک )بھارتی ریاست تمل ناڈو کے ضلع کرشنگری میں خواتین کے ہاسٹل کے باتھ روم میں خفیہ کیمرا نصب کرنے کے الزام میں ایک خاتون اور اس کے دوست کو گرفتار کرلیا گیا۔

پولیس کا کہنا ہے کہ یہ واقعہ ٹاٹا الیکٹرونکس پرائیویٹ لمیٹڈ کے ویمنز ہاسٹل میں پیش آیا، جس میں 11 منزلہ عمارت کے 8 بلاکس میں 6 ہزار سے زائد خواتین ملازمین مقیم ہیں۔

ملزمہ کی شناخت 22 سالہ نیلو کماری گپتا کے طور پر ہوئی ہے جو اڑیسہ کی رہائشی ہے اور مذکورہ کمپنی میں کام کرتی تھی۔ اس نے اپنے دوست سنتوش کے اکسانے پر 2 نومبر کو ہاسٹل کے باتھ روم میں خفیہ کیمرا نصب کیا۔

کیمرے نصب کرنے کی خبر سامنے آنے کے بعد سیکڑوں خواتین ملازمین نے ہاسٹل کے باہر احتجاج کیا، جس کے بعد پولیس نے گزشتہ روز ملزمہ اور اس کے دوست کو گرفتار کرلیا ہے۔

خواتین پولیس اہلکاروں کی ٹیم نے پورے ہاسٹل کی تلاشی شروع کر دی ہے تاکہ یہ یقینی بنایا جا سکے کہ دیگر مقامات پر بھی کوئی خفیہ کیمرا تو نصب نہیں کیا گیا۔