پاکستان کے معروف ٹینس اسٹار اعصام الحق نے پروفیشنل ٹینس کو خیرباد کہنے کا باضابطہ اعلان کردیا۔ انہوں نے یہ اعلان اسلام آباد میں پاکستان ٹینس فیڈریشن (پی ٹی ایف) کمپلیکس میں منعقدہ ملک کے پہلے اے ٹی پی چیلنجر ٹورنامنٹ کی افتتاحی تقریب کے دوران کیا۔
ریٹائرمنٹ کے موقع پر الوداعی خطاب میں اعصام الحق نے اپنے کیرئیر کے ابتدائی دنوں کے چیلنجز کو یاد کیا اور کہا کہ ان کی کامیابیوں کے پیچھے سب سے بڑی قوت ان کے والدین اور فیملی کی مسلسل حوصلہ افزائی تھی۔ انہوں نے اپنے کوچز، مینٹورز، ساتھی کھلاڑیوں اور قومی اسپورٹس میڈیا کا بھی خصوصی شکریہ ادا کیا۔
اسلام آباد میں جاری یہ اے ٹی پی چیلنجر ٹورنامنٹ اعصام الحق کے شاندار پروفیشنل کیرئیر کا آخری انٹرنیشنل مقابلہ ثابت ہوگا۔