حب میں منعقدہ آٹو کراس ریلی میں شامق سعید نے شاندار کارکردگی کا مظاہرہ کرتے ہوئے پہلی پوزیشن حاصل کی۔ انہوں نے 1.2 کلومیٹر کا فاصلہ 47.54 سیکنڈز میں طے کیا اور ساتھ ہی فاسٹیٹ ڈرائیور آف دی ڈے کا ایوارڈ بھی جیتا۔
ریلی کی دیگر کیٹیگریز میں بھی دلچسپ مقابلے دیکھنے کو ملے، پری پیئرڈ بی کیٹیگری میں عمر کھوڑو نے فتح حاصل کی اور 48.79 سیکنڈز میں فاصلہ مکمل کیا، جبکہ ڈی کیٹیگری میں فراز شیروانی نے پہلی پوزیشن حاصل کی۔
اسٹاک کی کیٹیگریز میں کامیاب ڈرائیورز یہ رہے: اسٹاک اے میں مبشر، اسٹاک بی میں یاسر، اسٹاک سی میں عاصم اور سالک ساجد۔ نئے ڈرائیورز کی کیٹیگری میں دانیال احمد نے سب پر سبقت حاصل کی، جبکہ اس کیٹیگری کی واحد خاتون ڈرائیور لائبہ حسین نے ساتواں مقام حاصل کیا۔
یہ ریلی نہ صرف ڈرائیونگ مہارت کا مظاہرہ تھی بلکہ شائقین کے لیے بھی دلچسپ اور جوش و خروش سے بھرپور مقابلوں کا موقع فراہم کرتی رہی۔