نئے سال کی آمد پر دبئی میں 8 روزہ خصوصی تقریبات کا اعلان کر دیا گیا ہے، جو 31 دسمبر سے 7 جنوری تک جاری رہیں گی۔ اس سلسلے میں شہریوں کو بھی خصوصی ہدایات جاری کی گئی ہیں۔
عرب میڈیا کے مطابق جشن میں آتش بازی، اسٹریٹ پرفارمنسز، رنگا رنگ شوز اور دیگر تفریحی پروگرام شامل ہوں گے۔ خاص طور پر برج خلیفہ پر شاندار لیزر شو بھی پیش کیا جائے گا، جو سال نو کا استقبال کرنے والے مقامی اور غیر ملکی شہریوں کے لیے ایک دلکش منظر پیش کرے گا۔
ٹریفک کی روانی کو بہتر بنانے کے لیے شہریوں کو رات 2 بجے تک متبادل روٹس استعمال کرنے کی ہدایت بھی دی گئی ہے، تاکہ لوگ محفوظ اور آسانی سے تقریبات کا لطف اٹھا سکیں۔
یہ تقریبات دبئی کے شہریوں اور سیاحوں کے لیے نئے سال کا شاندار آغاز ثابت ہوں گی۔