افغانستان کرکٹ بورڈ نے ویسٹ انڈیز کے خلاف آئندہ ٹی ٹوئنٹی سیریز اور آئی سی سی مینز ٹی ٹوئنٹی ورلڈ کپ 2026 کے لیے 15 رکنی اسکواڈ کا اعلان کر دیا ہے۔ افغان ٹیم ورلڈ کپ کی تیاری کے لیے 19 سے 22 جنوری تک متحدہ عرب امارات میں ویسٹ انڈیز کے خلاف تین میچوں کی ٹی ٹوئنٹی سیریز کھیلے گی، جس کی قیادت راشد خان کریں گے۔
اسکواڈ میں آل راؤنڈر گلبدین نائب اور فاسٹ بولر نوین الحق کی واپسی ہوئی ہے۔ افغانستان ٹی ٹوئنٹی ورلڈ کپ میں پول ڈی میں شامل ہے اور اپنا پہلا میچ 8 فروری کو چنئی میں نیوزی لینڈ کے خلاف کھیلے گا۔
اسکواڈ میں شامل کھلاڑی: راشد خان (کپتان)، ابراہیم زادران (نائب کپتان)، رحمان اللہ گرباز، محمد اسحاق، صدیق اللہ اتل، درویش رسولی، شاہد اللہ کمال، عظمت اللہ عمرزئی، گلبدین نائب، محمد نبی، نور احمد، مجیب الرحمان، نوین الحق، فضل حق فاروقی اور عبداللہ احمد زئی شامل ہیں۔
ریزرو کھلاڑی: اے ایم غضنفر، اعجاز احمد زئی اور ضیاءالرحمان شریفی۔
اس اسکواڈ سے واضح ہوتا ہے کہ افغانستان ورلڈکپ میں بھرپور تیاری کے ساتھ اترا ہے اور ٹیم کے کپتان راشد خان کی قیادت میں کھلاڑی بھرپور مظاہرہ کرنے کے لیے پرعزم ہیں۔