امریکا کے شہر لاس اینجلس میں ایرانی حکومت کے خلاف جاری مظاہرے کے دوران ٹرک کی ٹکر سے متعدد مظاہرین زخمی ہوگئے۔
امریکی میڈیا کے مطابق 2 زخمیوں کو اسپتال منتقل کیا گیا ہے جبکہ دیگر زخمیوں کو ایمبولنس میں طبی امداد دی گئی۔
مقامی میڈیا کے مطابق ایران میں ہونے والے مظاہروں کی حمایت میں ویسٹ ووڈ کے قریب درجنوں لوگ جمع ہوئے تھے جہاں یہ واقعہ پیش آیا۔
امریکی میڈیا کے مطابق ٹرک ڈرائیور کو موقع پر گرفتار کر لیا گیا ہے جس سے تفتیش کی جارہی ہے، واقعے کی مزید تفصیلات جاری نہیں کی گئیں۔
