گلوکار شہزاد رائے، کرکٹر حارث رؤف اور دیگر کھلاڑیوں نے بسنت لاہور کے علاقے گلبرگ میں بھرپور انداز میں منائی۔
شہزاد رائے نے نجی میڈیا سے گفتگو میں کہا کہ بسنت کا تہوار معاشرے کو قریب لانے اور لوگوں میں خوشیوں کے لمحات بانٹنے کا ذریعہ بنتا ہے۔ انہوں نے زور دیا کہ ایسے روایتی میلے اور تہوار ہمیں دوبارہ زندہ کرنے چاہئیں تاکہ معاشرتی تعلقات مضبوط ہوں۔
شہزاد رائے نے یہ بھی کہا کہ بسنت کے دوران عوام نے خود ہی قواعد و ضوابط کی پیروی کی، جس پر انہیں خوشی ہوئی، اور یہ ثابت ہوا کہ پاکستان ایک زندہ قوم ہے جو خوشیوں کو مل کر مناتی ہے۔