چین نے اسلام آباد کی مسجد میں ہونے والے دھماکے کی شدید مذمت کی ہے اور جانی نقصان پر گہرا صدمہ ظاہر کیا ہے۔
چینی وزارت خارجہ نے بیجنگ سے جاری بیان میں کہا کہ دھماکے میں جاں بحق ہونے والوں کے لیے وہ سوگوار ہیں اور زخمیوں اور متاثرین کے ساتھ ہمدردی رکھتے ہیں۔ وزارت نے مزید کہا کہ چین ہر قسم کی دہشت گردی کی سختی سے مخالفت کرتا ہے اور پاکستان کی قومی سلامتی، استحکام اور عوام کے تحفظ کے لیے مکمل حمایت جاری رکھے گا۔
واضح رہے کہ اسلام آباد میں نمازِ جمعہ کے دوران مسجد و امام بارگاہ کے اندر خودکش حملے میں 33 افراد شہید اور 170 سے زائد زخمی ہوئے تھے۔ حملہ آور نے مسجد میں داخلے سے روکنے کے بعد خود کو گیٹ پر دھماکے سے اڑا لیا تھا۔