ریاض ( امیر محمد خان سے ) سعودی دارالحکومت ریاض میں عالمی دفاعی نمائش کا آغاز ہوگیا ہے،جس میں دنیا بھر کی اسلحہ ساز کمپنیوں کی جانب سے اسٹالز لگائے گئے ہیں ،

پاکستانی اسلحہ ساز کمپنیوں کی جانب سے بھی اسٹالز لگائے گئے ہیں جو کہ شرکاء کی توجہ کا مرکز ہیں ,
نمائش میں پاکستان سمیت 80 ممالک کی مخلتف کمپنیوں کی جانب سے 900 اسٹالز لگائے گئے ہیں
پاکستان کی جانب سے گلوبل انڈسٹریل اینڈ ڈیفنس سلوشن، ہیوی اندستریز ٹیکسلا، پاکستان آرڈنینس فیکٹری، نیشنل ریڈیو اینڈ ٹیلی کمیونیکیشن اتھارٹی سمیت دیگر کی جانب سے اسٹالز لگائے گئے ہیں
نمائش میں معرکہ حق بنیان مرصوص میں پاکستان کی دفاعی لائن کو مضبوط بنانے والے میزائل فتح 2 کے علاوہ دیگر میزائلوں کو نمائش کے لیے پیش کیا گیا ہے

اسکے علاوہ پاکستانی ڈرون ٹیکنالوجی سمیت دیگر دفاعی سازوسامان بھی نمائش کا حصہ ہے

گلوبل انڈسٹریل اینڈ ڈیفنس سلوشن کے سی ای او اسد کمال کا کہنا ہے کہ :سعودی عرب میں عالمی دفاعی نمائش کی بدولت مڈل ایسٹ اور دیگر دنیا کے ممالک کے سامنے پاکستانی دفاعی صنعت کو بہتر انداز سے پیش کرنے کا موقعہ ملتا ہے اور اور اسکے علاوہ پوری دنیا معرکہ حق کے بعد پاکستانی دفاعی سازوسامان میں بھرپور دلچسپی لے رہی ہے
…
دفاعی نمائش دیکھنے وزیر دفاع خواجہ آصف اور وفاقی وزیر مملکت برائے داخلہ طلال چوہدری بھی پہنچے ہیں ، انہوں نے سفیر پاکستان احمد فاروق کے ساتھ مختلف اسٹالز کا معائنہ کیا

پی جے ایف سے گفتگو کرتے ہوئے وزیر مملکت نےکہا ہے کہ پاکستان اور سعودی عرب کے درمیان دفاعی معاہدے سے دونوں ممالک کے درمیان تعلقات مزید مستحکم اور پائیدار ہوئے ہیں اور اس طرح کی دفاعی نمائشوں سے پاکستانی اسلحہ ساز کمپنیوں کو اپنی ٹیکنالوجی بہتر انداز سے متعارف کروانے کا موقعہ ملتا ہے

وفاقی وزیر مملکت برائے داخلہ طلال چوہدری نے عالمی دفاعی نمائش میں پاکستانی اسلحہ ساز کمپنیوں کا دورہ کیا
وزیر دفاع خواجہ آصف کا کہنا تھا کہ سعودی عرب اور پاکستان کے درمیان دفاعی معاہدے کے بعد دونوں ممالک کے درمیان تعلقات انتہائی مضبوط اور مستحکم ہوئے ہیں
گزشتہ کچھ ماہ سے پاکستانی دفاعی صلاحیت کو پوری دنیا نے پہچانا ہے
یہی وجہ ہے کہ دنیا کے مختلف ممالک ہمارے لڑاکا طیاروں سمیت دیگر دفاعی سازوسامان میں دلچسپی لے رہے ہیں اور نئے معاہدے طے پا رہے ہیں ،
اس طرح کی بین الاقوامی نمائشوں کی وجہ سے پاکستان کی اسلحہ ساز کمپنیوں کو بہتر انداز سے اپنی ٹیکنالوجی کو متعارف کروانے کا موقعہ ملتا یے