وزیراعلیٰ پنجاب مریم نواز نے رمضان نگہبان اے ٹی ایم کارڈ کے اجراء پر خوشی اور تشکر کا اظہار کیا ہے۔
لاہور سے جاری بیان میں مریم نواز نے کہا کہ رمضان المبارک کے دوران 40 لاکھ گھرانوں کو مجموعی طور پر 40 ارب روپے کی مالی مدد فراہم کی جائے گی۔
انہوں نے واضح کیا کہ رمضان نگہبان پیکیج کا پورا نظام ڈیجیٹل اور شفاف ہوگا تاکہ ماہ مقدس کی برکتیں ہر گھر تک پہنچ سکیں۔
وزیراعلیٰ پنجاب نے مزید کہا کہ ہر تحصیل میں نگہبان دسترخوان کا انتظام کیا جائے گا تاکہ مستحق خاندانوں کو سہولت کے ساتھ خوراک اور مالی امداد فراہم کی جا سکے۔
رمضان میں 40 لاکھ گھرانوں کو 40 ارب روپے کی مالی امداد، مریم نواز
