جنوبی وزیرستان لوئر(South Waziristan Lower) کے سرحدی علاقے انگور اڈا میں افغان طالبان کی 26 اور 29 اپریل کو سول آبادی پر بلا اشتعال گولہ باری کے نتیجے میں متعدد معصوم مرد، عورتیں اور بچے شدید زخمی ہوئے اور شہری املاک کو نقصان پہنچا۔
ان واقعات کے دوران دو مرد، تین خواتین اور چار معصوم بچے شدید زخمی ہوئے جن کا علاج ڈی ایچ کیو وانا اور سی ایم ایچ پشاور میں جاری ہے۔
اہلِ علاقہ نے شدید غم و غصے کا اظہار کرتے ہوئے کہا کہ سرحد پار سے جاری گولہ باری سے نہتے شہریوں، خصوصاً بچوں کو مسلسل نشانہ بنانے کے علاوہ سول املاک کو نقصان پہنچ رہاہے جو ناقابل قبول ہے ۔
ان مسلسل حملوں کے نتیجے میں علاقے میں خوف اور بے چینی کی فضا پیدا ہوئی ہے، تاہم قبائلی عمائدین نے دو ٹوک الفاظ میں واضح کیا ہے کہ وہ کسی صورت مرعوب نہیں ہوں گے اور ہر محاذ پر ڈٹ کرافواج پاکستان کے شانہ بشانہ ہر قسم کی افغان جارحیت کا مقابلہ کریں گے۔
متاثرہ افراد کے ورثا ءاور علاقائی عمائدین نے افواج پاکستان کی جانب سے بروقت اور بہتر علاج کی سہولیات مہیا کرنے پر شکریہ ادا کیا۔
