Naehal Hashmi نے کہا ہے کہ ملک میں کھلاڑیوں کی ملازمتوں اور ڈیپارٹمنٹل اسپورٹس کی بحالی کے لیے وزیراعظم سے جلد بات کی جائے گی۔

گورنر سندھ نے گورنر ہاؤس میں Karachi Hockey Association کے عہدیداروں، اسپورٹس آرگنائزرز اور مختلف شعبوں سے تعلق رکھنے والے نمائندوں کے وفد سے ملاقات کے دوران کہا کہ قومی کھیل ہاکی کی بحالی کے لیے سب کو اپنا کردار ادا کرنا ہوگا۔

انہوں نے کہا کہ صوبے میں کھیلوں کے فروغ کو وقت کی اہم ضرورت سمجھا جا رہا ہے اور حکومت کھلاڑیوں اور اسپورٹس سرگرمیوں کی ہر ممکن مدد کرے گی۔ ان کے مطابق ماضی کی طرح وفاقی اور صوبائی اداروں کو دوبارہ کھیلوں کی سرپرستی کی طرف لانے کی کوشش کی جا رہی ہے۔

مزید پڑھیں؛

Naehal Hashmi نے بتایا کہ وزیراعظم پہلے ہی ملک میں ڈیپارٹمنٹل اسپورٹس کی بحالی کی ہدایت دے چکے ہیں، اور اس حوالے سے جلد ملاقات کر کے تازہ صورتحال پر بات چیت کی جائے گی۔

ملاقات میں اس بات پر بھی زور دیا گیا کہ ہاکی سمیت مختلف کھیلوں کے فروغ کے لیے نئے ایونٹس منعقد کیے جائیں گے، جبکہ اسپورٹس آرگنائزرز اور صحافیوں کے لیے ایوارڈز کے اجراء کا بھی عندیہ دیا گیا ہے۔

وفد نے گورنر سندھ کو کراچی ہاکی ایسوسی ایشن کے اسپورٹس کمپلیکس کے دورے کی دعوت بھی دی، جسے انہوں نے قبول کر لیا۔