اسلام آباد، طاہر اندرابی نے ہفتہ وار میڈیا بریفنگ میں کہا ہے کہ Pakistan، Iran اور United States کے درمیان سفارتی رابطوں میں ثالثی کا کردار ادا کر رہا ہے، تاہم ممکنہ معاہدے کی دستخطی تقریب کہاں ہوگی، اس بارے میں ابھی کچھ کہنا قبل از وقت ہے۔

انہوں نے کہا کہ پاکستان نے ہمیشہ India کے ساتھ مسائل کے حل کے لیے سفارتکاری کو ترجیح دی ہے اور جنگ کے بجائے مذاکرات کی حمایت کی ہے۔ ترجمان کے مطابق سندھ طاس معاہدے کے معاملے پر پاکستان تمام قانونی اور سفارتی آپشنز استعمال کرے گا۔

افغانستان سے متعلق گفتگو کرتے ہوئے ترجمان دفتر خارجہ نے کہا کہ سرحدی علاقوں کے عوام امن چاہتے ہیں، لیکن افغانستان سے ہونے والی دہشتگردی خطے میں امن کی کوششوں کو متاثر کر رہی ہے۔ ان کا کہنا تھا کہ دونوں ممالک کے عوام کے درمیان کوئی بڑا تنازع نہیں، تاہم کابل حکومت دہشتگردی روکنے میں مؤثر کردار ادا نہیں کر رہی۔

مزید پڑھیں:شہباز شریف ، قطری وزیر اعظم میں اہم رابطہ، امن کیلئے باہمی تعاون بڑھانے پر اتفاق

انہوں نے مزید بتایا کہ صومالیہ میں قزاقوں کے ہاتھوں یرغمال پاکستانیوں کی واپسی کے لیے حکومت صومالیہ سے رابطے جاری ہیں۔