وفاقی حکومت نے فضائی حادثات(air crash compensations) میں مسافروں کے معاوضے میں بھاری اضافہ کر دیا ۔کیریج بائی ایئر ترمیمی بل دوہزار چھبیس قومی اسمبلی کے بعد سینیٹ سے بھی منظور ہو گیا جس کے تحت جاں بحق یا زخمی مسافر کے لیے معاوضہ 2کروڑ روپے تک مقرر کیا گیا ہے۔
کیریج بائی ایئر ترمیمی بل 2026 صدر مملکت کے دستخطوں کے بعد یہ قانون کی شکل اختیار کر لے گا۔نئے قانون کے تحت فضائی حادثے میں جاں بحق یا زخمی مسافر کے لیے معاوضہ دو کروڑ روپے تک مقرر کیا گیا ہے۔
قانون کے مطابق فوری ادائیگی کے لیے سکسیشن سرٹیفکیٹ جمع کروانا لازمی ہوگا جبکہ وراثتی سرٹیفکیٹ جمع ہونے کے تیس دن کے اندر پیشگی معاوضے کی ادائیگی ضروری قرار دی گئی ہے۔
بل میں یہ بھی شامل ہے کہ فضائی حادثات کے کیسز کا فیصلہ چھ ماہ میں کرنا لازمی ہوگا اور تاخیر کی صورت میں عدالت کو ہائی کورٹ کے سامنے جوابدہ ہونا پڑے گا۔
مزید پڑھیں:حکومت معاشی ترقی کے مدنظر ٹیکس اصلاحات لائیگی، وفاقی وزیر احد چیمہ
کنزیومر کورٹس کو فضائی تنازعات سننے کے اختیارات بھی دے دیے جبکہ ہر تین سال بعد افراط زر کے مطابق معاوضے کی شرح بڑھانے کا اختیار بھی حکومت کو حاصل ہوگا۔ کارگو اور سامان کی ترسیل کے نقصانات پر بھی نئی جرمانہ شرح نافذ کی جائے گی۔
