کراچی(نیوز ڈیسک )پاکستانی شوبز انڈسٹری کی نوجوان اداکارہ انعمتا قریشی نے جلد ننھے مہمان کی آمد کی خوشخبری سُنادی۔

فوٹو اینڈ ویڈیو شیئرنگ ایپ انسٹاگرام پر انعمتا قریشی نے اپنے شوہر کے ہمراہ اپنی نئی تصاویر شیئر کیں جن میں دیکھا جاسکتا ہے کہ اداکارہ حاملہ ہیں۔

انعمتا قریشی نے اپنی پوسٹ کے کیپشن میں لکھا کہ ہماری ازدواجی زندگی کا یہ پہلا سال بہت خاص ہے کیونکہ ہماری شادی کی پہلی سالگرہ ہے، پہلی عید ہے اور ہمارا پہلا بچہ بہت جلد دُنیا میں آنے والا ہے۔

اداکارہ نے لکھا کہ اللّہ تعالیٰ! بہت جلد ہمارے خاندان ننھے فرد کو شامل کرنے والے ہیں جس کے لیے ہم دل سے شکرگزار ہیں۔

اُنہوں نے مداحوں سے مخاطب ہوتے ہوئے کہا کہ ہمیں اپنی میں یاد رکھیں کیونکہ معجزوں میں بھی وقت لگتا ہے۔

انعمتا قریشی کی پوسٹ پر سارہ خان سمیت دیگر شوبز ستاروں نے اُنہیں مبارکباد دی۔