پنجاب حکومت نے آئندہ مالی سال کے بجٹ (budget)کو حتمی شکل دے دی، مجموعی حجم 5 ہزار 131 ارب روپے مقرر

پنجاب حکومت نے آئندہ مالی سال کے بجٹ کو حتمی شکل دے دی ہے جس کا مجموعی حجم 5 ہزار 131 ارب روپے مقرر کیا گیا ہے۔

ذرائع کے مطابق این ایف سی ایوارڈ کے تحت پنجاب کو قابلِ تقسیم محاصل سے 3 ہزار 793 ارب 70 کروڑ روپے ملنے کا تخمینہ ہے۔

پنجاب فنانس کمیشن کے لیے 800 ارب روپے مختص کرنے کی تجویز دی گئی ہے جبکہ تنخواہوں کے لیے 650 ارب روپے اور پنشن کی مد میں 505 ارب 80 کروڑ روپے رکھنے کی تجویز شامل ہے۔

سماجی تحفظ کے لیے 25 ارب روپے اور ستھرا پنجاب پروگرام کے لیے 150 ارب روپے مختص کرنے کا امکان ظاہر کیا گیا ہے۔ آپریشنل اخراجات کا تخمینہ 580 ارب 20 کروڑ روپے لگایا گیا ہے۔

ترقیاتی منصوبوں کے لیے بھی بڑے فنڈز تجویز کیے گئے ہیں۔ سرمایہ کاری اور دیگر ترقیاتی پروگراموں کے لیے 221 ارب 90 کروڑ روپے جبکہ ترقیاتی و سرمایہ جاتی منصوبوں کے لیے 570 ارب روپے مختص کرنے کی تجویز ہے۔

محصولات کی آمدن 1330 ارب روپے تک پہنچنے کا امکان ہے جبکہ مجموعی اخراجات 3569 ارب 60 کروڑ روپے رہنے کی توقع ظاہر کی گئی ہے۔

مزید پڑھیں:شہید آیت اللّٰہ خامنہ ای کی نماز جنازہ و تدفین عاشورہ کے بعد ہو گی، ایرانی میڈیا

ذرائع کے مطابق پنجاب حکومت وفاق کو 570 ارب روپے کی مالیاتی رعایت دینے پر بھی آمادہ ہو گئی ہے، جس سے وفاقی مالیاتی خسارے میں کمی میں مدد ملے گی۔