پاکستانی اداکارہ ثروت گیلانی(Sarwat Gilani) نے انکشاف کیا ہے کہ بھارتی اداکار عامر خان نے ویب سیریز ’چڑیلز‘ کی بین الاقوامی مقبولیت کے بعد ان سے رابطہ کیا اور لیجنڈری پاکستانی اداکار معین اختر کے ٹی وی پروگرام کی تمام اقساط فراہم کرنے کی درخواست کی تھی۔
اے آر وائی ڈیجیٹل کے پروگرام ’گڈ مارننگ پاکستان‘ میں گفتگو کرتے ہوئے ثروت گیلانی نے بتایا کہ جب ’چڑیلز‘ بیرونِ ملک ریلیز ہوئی تو اسی دوران عامر خان کی ٹیم نے ان سے رابطہ کیا۔
View this post on Instagram
اداکارہ کے مطابق ابتدائی طور پر انہیں لگا کہ شاید عامر خان کی جانب سے کسی ہندی فلم میں کام کی پیشکش کی جا رہی ہے تاہم بعد میں معلوم ہوا کہ بھارتی اداکار کی دلچسپی کسی فلمی کردار کے بجائے معین اختر کے ٹی وی پروگرام کی اقساط میں تھی۔
مزیدپڑھیں:سنی دیول 56 کروڑ روپے کے قرض میں کیسے ڈوبے؟ اداکار نے حقیقت بتا دی
ثروت گیلانی نے بتایا کہ عامر خان نے ان سے پروگرام کی مکمل اقساط فراہم کرنے کی درخواست کی تھی۔ انہوں نے مزید کہا کہ عامر خان نے خاص طور پر معین اختر کی اداکاری کی تعریف کی اور کہا تھا کہ انہوں نے ایسا اداکار کبھی نہیں دیکھا جو اتنے مختلف حلیوں اور کرداروں کو اس قدر مہارت سے نبھا سکے۔
اداکارہ کے مطابق عامر خان معین اختر کی غیر معمولی اداکاری اور مختلف کرداروں میں ڈھلنے کی صلاحیت سے بے حد متاثر تھے۔
