تحریک انصاف(PTI) کے لانگ مارچ کے معاملے پر موٹروے پولیس نے اہم شاہراہوں پر ٹریفک کی آمدورفت بند کردی۔

ذرائع کے مطابق موٹروے M-1 کو اسلام آباد ٹول پلازہ سے چھچھ انٹرچینج تک دونوں اطراف سے ہر قسم کی ٹریفک کے لیے تاحکم ثانی بند کردیا گیا ہے۔ M-1 کے اسلام آباد ٹول پلازہ، فتح جنگ/ترنول، سنگجانی/AWT، براہمہ باہتر، برہان، ہزارہ موٹروے، غازی اور چھچھ انٹرچینجز بھی بند رہیں گے۔

اسی طرح موٹروے M-14 کو ہکلہ سے کنڈل تک دونوں اطراف سے ہر قسم کی ٹریفک کے لیے بند کیا گیا ہے۔ ہکلہ، فتح جنگ، پنڈی گھیب، کھڑپہ، تراپ، داؤد خیل، کوٹ بیلیاں، عیسیٰ خیل اور کنڈل انٹرچینجز بھی تاحکم ثانی بند رہیں گے۔

مزیدپڑھیں:نئے صوبوں کا قیام: نوجوانوں کی حمایت و مخالفت کی وجوہات پر تفصیلی رپورٹ جاری

ذرائع کے مطابق جی ٹی روڈ N-5 کو بھی اٹک خورد کے مقام پر دونوں اطراف سے ٹریفک کے لیے بند کردیا گیا ہے۔

موٹروے پولیس نے گزشتہ روز اعلان کیا تھا کہ M-1، M-14 اور دیگر مذکورہ مقامات بدھ کی رات سے بند کیے جائیں گے، جبکہ تمام راستے تاحکم ثانی بند رہیں گے۔