حریت رہنما یاسین ملک کی اہلیہ مشعال ملک کا ٹوئٹر اکاؤنٹ بھارت اور مقبوضہ جموں وکشمیر میں بلاک کردیا گیا۔
مشعال ملک نے مائیکرو بلاگنگ ویب سائٹ ٹوئٹر پر اس خبر سے آگاہ کیا ہے کہ مظلوم کشمیریوں کے حق میں آواز اُٹھانے پر ان کے اظہارِ رائے پر پابندی لگادی گئی ہے۔
اُنہوں نے اپنے ٹوئٹ میں لکھا کہ’بھارتی قبضے میں رہنے والے میرے مظلوم لوگوں اور جیل میں بند شوہر حریت رہنما یاسین ملک کےلیے آواز اٹھانے پر بھارت اور مقبوضہ کشمیر میں میرا ٹوئٹر اکاؤنٹ بلاک کر دیا گیا ہے!‘
My twitter account has been withheld/blocked in India and IIOJK for raising a voice for my oppressed people of Kashmir under Indian Occupation & Jailed Husband Kashmiri Freedom leader Yasin Malik in response to legal demand! #NoFreedomInIIOJK #YasinWifeWritesLetter2Modi
— Mushaal Hussein Mullick (@MushaalMullick) August 4, 2022
مشعال ملک نے یاسین ملک کی تیزی سے بگڑتی ہوئی صحت پر بھارتی ہائی کمیشن سے احتجاج کرنے پر پاکستان کی وزارت خارجہ کی بھی تعریف کی ہے۔
دوسری جانب سوشل میڈیا صارفین بھی بھارتی حکومت پر مشعال ملک کے اکاؤنٹ کو بھارت اور مقبوضہ کشمیر میں بلاک کرنے کے فیصلے پر شدید تنقید کر رہے ہیں۔
