ممبئی (نیوز ڈیسک)بالی ووڈ میں نام بدلنا یقیناً کوئی نیا رجحان نہیں ہے کیونکہ بالی ووڈ میں کئی اداکار ایسے ہیں جنہوں نے اپنے کیرئیر کے آغاز میں اپنے نام تبدیل کیے اور وہی نام اُن کی شہرت کی وجہ بنے۔
مداح اپنی پسندیدہ شخصیات کو اُن کے نام سے جانتے ہیں لیکن کچھ مشہور شخصیات ایسی ہیں جن کا اصل نام شاید مداحوں معلوم نہ ہو، یہاں ہم اُن مشہور شخصیات کے بارے میں بتا رہے ہیں جنہوں نے بالی ووڈ میں آنے کے بعد اپنا نام تبدیل کیا۔
نام تبدیل کرنے والے بالی ووڈ اداکار:
امیتابھ بچن:
بالی ووڈ میں ’اینگری ینگ مین‘ کے نام سے مشہور اداکار امیتابھ بچن کے والد نے اُن کا نام ’انقلاب شریواستو‘ رکھا تھا تاہم بعد میں والدین نے اُن کا نام تبدیل کرکے امیتابھ رکھ دیا تھا۔
اپنی پہلی فلم کے بعد، انہوں نے اپنے نام میں تبدیلی کرنے کا فیصلہ کیا، اُنہوں اپنا نام امیتابھ شریواستو سے بدل کر امیتابھ بچن رکھ لیا تھا۔
دھرمیندر:
بالی ووڈ میں انٹری سے پہلے لیجنڈری اداکار دھرمیندر کا نام دھرم سنگھ دیول تھا۔ بالی ووڈ میں قدم رکھتے ہوئے انہوں نے دھرمیندر کے نام سے جانے کا فیصلہ کیا۔ انہیں سپر اسٹار دھرمیندر کے طور پر بے پناہ شہرت ملی، ان کا اصل نام بہت کم لوگ جانتے تھے۔
پریتی زنٹا:
ماضی میں بالی ووڈ کو سُپر ہٹ فلمیں دینے والی اداکارہ پریتی زنٹا کا نام پریتم زنٹا سنگھ تھا تاہم بالی ووڈ میں آتے ہیں اُنہوں نے اپنا نام تبدیل کرکے پریتی زنٹا کردیا تھا۔
اکشے کمار:
اکشے کمار کے طویل کیرئیر کی طرح اُن کا نام بھی کافی لمبا تھا، ان کا اصل نام ’راجیو ہری اوم بھاٹیا‘ تھا، انہوں نے بالی ووڈ میں آتے ہی اپنا نام بدلنے کا فیصلہ کیا۔ یہ خیال کیا جاتا ہے کہ اُنہوں نے فلموں کے لیے ایسا کیا۔
رجنی کانت:
رجنی کانت بھارت کے وہ سینئر اداکار ہیں جن کے پوری دُنیا میں لاکھوں مداح موجود ہیں، اُن کا اصل نام ’شیواجی راؤ گائیکواڈ‘ تھا تاہم اُنہوں نے مشہور ہدایتکار بالاچندر کے کہنے پر اپنا نام تبدیل کرنے کا فیصلہ کیا اور ’رجنی کانت‘ رکھ لیا۔
ریکھا:
بالی ووڈ کی خوبصورت دیوا، ریکھا کا اصل نام بھانوریکھا گنیشن تھا لیکن اُنہیں صرف ’ریکھا‘ کے نام سے شہرت ملی۔
سنی لیون:
سنی لیون کا اصل نام ’کرنجیت کور ووہرا‘ ہے جبکہ اُنہوں نے بالی ووڈ میں انٹری کے بعد، اپنا نام تبدیل کرکے ’سنی لیون‘ کرلیا۔
