مظفرگڑھ (نامہ نگار) حکومت پنجاب نے پنجاب کے تین اضلاع کی آٹھ تحصیلوں کو آفت زدہ قرار دے دیا ۔ حکومتی نوٹیفکیشن کے مطابق ڈیرہ غازی خان ڈسٹرکٹ کی چاروں تحصیلوں جن میں ڈی جی خان ،تونسہ،کوٹ چھٹہ اور کوہ سلیمان جبکہ ڈسٹرکٹ راجنپور کی تین تحصیلوں جن میں راجنپور ، جام پور اور روجھان شامل ہیں اسی طرح ڈسٹرکٹ میانوالی کی تحصیل عیسیٰ خیل کو آفت زدہ قرار دیاگیا ہے ۔ ان اضلاع کی آفت زدہ تحصیلوں میں سیلاب نے وسیع تر علاقے کو اپنی لپیٹ میں لیا ہے اور سرکاری اعداد و شمار کے 100سے قریب اموات بھی واقع ہوئیں ۔