چارسدہ میں پاکستان تحریک انصاف کے چیئر مین اور سابق وزیر اعظم عمران خان جوش خطابت میں پیٹرول کی قیمت غلط بتا گئے۔
جمعرات کو چارسدہ میں خطاب کرتے ہوئے عمران خان نےموجودہ حکومت پر تنقید کرتے ہوئے کہا کہ ہمارے دور میں ایک لیٹر پیٹرول ڈیڑھ سو روپے تھا اور یہ 2ہزار 36 روپے پر لے گئے۔
تاہم عمران خان کے ساتھ کھڑے پرویز خٹک نے سابق وزیر اعظم کے کان میں پیٹرول کی صحیح قیمت بتائی تو عمران خان بولے کہ 236 روپے۔
پٹرول 2036 روپے لٹر کردیا ہے، عمران خان pic.twitter.com/8sbF7QMr2z
— Pervaiz Sandhila (@chsandhilaa) October 13, 2022
یہ پہلی بار نہیں کہ عمران خان نے قیمتیں غلط بتائی ہوں اس سے قبل بھی گزشتہ ماہ موجودہ حکومت کا اپنے دور حکومت سے موازنہ کرتے ہوئے سابق وزیراعظم نے کہا تھا کہ ان کے دور میں آٹا 50 روپے فی کلو تھا لیکن آج کراچی میں آٹا سو روپے لیٹر ہوگیا ہے۔
عمران خان اپنے خطاب میں ڈیزل کی قیمتوں میں بھی گڑ بڑ کر بیٹھے تھے ، اپنے دورِ حکومت اور موجودہ دورِ حکومت میں ڈیزل کی ایک ہی قیمت بتا کر کہا کہ آج ڈیزل سو روپے مہنگا ہوگیا ہے ۔
