اسلام آباد(نیوز ڈیسک )قومی اسمبلی کے قائد حزبِ اختلاف شہباز شریف کا ماننا ہے کہ وزیر اعظم عمران خان جان بوجھ کر چیف آف آرمی اسٹاف جنرل قمر جاوید باجوہ کی مدت میں توسیع میں تاخیر کی۔
نجی خبررساں ادارے کی رپورٹ کے مطابق انہوں نے دعویٰ کیا ہے کہ ان کی جماعت مسلح افواج کا احترام کرتی ہے جبکہ حمکران جماعت پاکستان تحریک انصاف (پی ٹی آئی) سوشل میڈیا پر مسلح افواج کو ہدف بنا رہی ہے۔پاکستان مسلم لیگ (ن) کے صدر نےنجی خبررساں ادارے کے نیوز اینکرکوانٹرویود یتے ہوئے دہرایا
کہ جب وزیراعظم خان نے آرمی چیف کی مدت ملازمت میں توسیع کی کوشش کی اور نوٹیفکیشن کو تین بار ری ڈرافٹ کرنا پڑا۔تاہم نواز شریف نے تسلیم کیا کہ ان کے پاس اپنے دعوؤں کی حمایت کے لیے کوئی ٹھوس معلومات نہیں ہیں، لیکن یہ ان کی رائے تھی کہ وزیر اعظم عمران خان نے جان بوجھ کر توسیع کے عمل کو ’متنازع‘ بنانے کی کوشش کی۔
اپوزیشن لیڈر کا کہنا تھا کہ ’ یہ معاملہ سپریم کورٹ تک گیا، ماضی میں بھی آرمی چیفس کی خدمات میں توسیع کی گئی، انہیں صرف پچھلی سمری کو کاپی پیسٹ کرنا تھا، لیکن یہ سب دھوکے طور پر کیا گیا، یہ دھوکے بازی عمران خان نیازی کی جانب سے کی گئی۔
انہوں نے کہا کہ وہ توسیع میں تاخیر کرتے ہوئے اسے متنازع بنانا چاہتے تھے۔ان کا کہنا تھا کہ آزادانہ اور منصفانہ انتخابات خوشحالی کی سیڑھی کا پہلا زینہ ہیں، تمام اداروں کو اپنے دائرہ اختیار میں کام کرنا چاہیے ’مشاورتی عمل مداخلت سے مختلف ہے‘۔
