کراچی (نیوز ڈیسک) پاکستان کی مشہور اداکارہ اشنا شاہ نے یہ اعتراف کیا ہے کہ وہ او سی ڈی نامی بیماری کا شکار ہیں۔
گزشتہ روز قبل کراچی کے ایئرپورٹ پر رضامندی کے بغیر سیکورٹی کے افراد کی جانب سے چھوئے جانے پر برہمی کا اظہار کرتے ہوئے اداکارہ نے یہ انکشاف کیا تھا کہ وہ آبسیسو کمپلسو ڈس آرڈ(او سی ڈی) کا شکار ہیں۔اپنی ٹوئٹ میں اداکارہ نے بتایا کہ مذکورہ بیماری ایک حقیقت ہے،
تاہم اداکارہ نے او سی ڈی سے متعلق مزید کوئی وضاحت نہیں کی۔ واضح رہے کہ او سی ڈی دراصل ذہنی بیماری یا کیفیت ہے، جس میں مبتلا شخص کسی بھی ان چاہی چیز یا رویے سے ذہنی پریشانی کا شکار بن جاتا ہے۔
یعنی اگر کوئی شخص کسی انجان شخص کے ہاتھ ملانے یا دوسروں کے قریب جانے سے دور رہنا چاہتا ہے تو ایسے شخص کے قریب جانے یا اسے کسی دوسرے کی جانب سے چھونے سے وہ ذہنی اذیت کا شکار بن سکتا ہے۔
