دبئی میں بھارتی قونصلیٹ نے دبئی آنے والے بھارتی شہریوں کے لیے قوانین میں تبدیلی کردی۔
دبئی میں بھارتی قونصلیٹ کے ٹوئٹر اکاؤنٹ پر اس حوالے سے گائیڈلائنز کا ایک سرکلر جاری کیا گیا ہے جس کے مطابق پاسپورٹ پر سنگل نام کے ساتھ دبئی آنے کے خواہش مند بھارتی شہریوں کی دستاویزات یو اے ای امیگریشن کی جانب سے قبول نہیں کی جائیں گی جب کہ پاسپورٹ پر سر نیم رکھنے والے شہریوں کو دبئی آنے کی اجازت ہوگی۔
بھارتی قونصلیٹ کے اعلان کے بعد بھارتی ائیر لائنز نے بھی فوری وزٹ اورسیاحتی ویزے پر دبئی جانے والے بھارتی شہریوں کے لیے ہدایات جاری کردیں۔
اماراتی میڈیا کے مطابق بھارتی ائیرلائن ائیر انڈیا ایکسپریس نے اعلان کیا کہ دبئی جانے والے بھارتی شہریوں کے لیے ضروری ہےکہ ان کے پاسپورٹ پر ابتدائی نام کے ساتھ سر نیم بھی ہو۔
Guidelines from NAIC,UAE for passengers with a single name on passport:
*Visa issued with more than one name,passenger has father's/family name mentioned in the 2nd page is accepted.
*Passenger eligible for VOA if the father's/family name mentioned in the 2nd page is accepted. pic.twitter.com/rO9JjunPvC— India in Dubai (@cgidubai) November 24, 2022
اماراتی میڈیا کا کہنا ہےکہ ایسے بھارتی شہری جن کے پاسپورٹ پر صرف ان کا نام ہے اور ان کے نام کے ساتھ سر نیم موجود نہیں انہیں دبئی میں داخلے کی اجازت نہیں دی جارہی ہے۔
میڈیا رپورٹس میں بتایا گیا ہےکہ یہ قانون ایسے بھارتی شہریوں کے لیے نافذ کیا گیا ہے جو دبئی جانے کے لیے وزٹ یا سیاحتی ویزا رکھتے ہوں گے تاہم ریزیڈنٹ اور ملازمت کا ویزا رکھنے والوں پر اس کا اطلاق نہیں ہوگا۔
