اسلام آباد(مانیٹرنگ ڈیسک )قائد حزب اختلاف میاں شہباز شریف نے کہاکہ ان کے احتساب کابیانہ دم توڑ چکاہے،ان کا احتساب فراڈ اور بدترین انتقام تھا،دانادشمن نادان دوست سے بہترہوتاہے یہی عمران خان کاحال ہے،درجنوں مقدمات حزب اختلاف کے خلاف دائرکیے گئے ۔جمعہ کومیڈیاسے گفتگو کرتے ہوئے قائدحزب اختلاف نے کہاکہ عمران خان نے احتساب کے نام پر انتقام لیا،

ہمارے خلاف درجنوں کے حساب سے مقدمے بنائے گئےلیکن ان کے خلاف کوئی ثبوت پیش نہیں کرسکے،پونے دو سال میرے خلاف تحقیقات جاری رہیں لیکن انہیں کچھ نہیں ملا،انہوں نے کہاکہ عمران خان کہتے ہیں کہ ان کیخلاف بین الاقوامی سازش کی گئی،عمران خان کی تقریر نہیں سنتاانہوں نے معاشرے کوزہریلابنادیا،

یہ پوری دنیامیں ثبوتوں کےلیے بھاگے لیکن انہیں کچھ نہیں ہوا،بڑے بڑے میگاسکینڈلز عمران خان کی ناک کے نیچے ہوئے ،برطانیہ کی کرائم ایجنسی کوہزاربنڈلز پرمشتمل پیپرز بھجوائےگئے

ہمارے خلاف تحقیقات میں انہیں اندرون اور بیرون ملک ایک دھیلے کی کرپشن نہیں ملی،شہباز شریف نے کہاکہ امریکہ سے واپسی پر عمران خان نے کہا ایسے لگ رہا ہے جیسے ورلڈ کپ جیت کر آرہا ہوں،

چین، سعودی عرب اور دیگر ممالک سے ہمارے بہترین تعلقات ہیں،عمران خان ، اسد عمر اور پرویزخٹک نے سی پیک کیخلاف باتیں کیں،انہوں نے کہاکہ تمام میگااسکینڈل عمران خان دورمیں ہوئےایک ریفرنس نیب کونہیں بھیجاگیا،

چینی،ادویات،گندم،گیس،پاورپلانٹس کےاسکینڈل سامنےآئے،مہنگے ترین فرنس آئل سے مہنگی بجلی بنائی گئی،بی آرٹی پشاوراورمالم جبہ سمیت کسی کیس کی تحقیقات نہیں کی گئیں،

انہوں نے کہاکہ سعودی عرب نے ہر اچھے برے وقت میں پاکستان کا ساتھ دیا،شاہ محمود قریشی نے کہا سعودی عرب کے بغیر ہی کشمیر کا مقدمہ لڑسکتے ہیں،اگر 7مارچ کو خط موصول ہوا تھا تو آپ 3ہفتے کیوں چپ رہے؟عمران خان مذہبی کارڈ کھیل کر قوم کو دھوکا دینا چاہتے ہیں،

مہنگائی، غربت اور بے روزگاری کو کم کرنے کیلئے اپنی پوری کوشش کرینگے

عمران خان مذہبی کارڈ کھیل کر قوم کو دھوکا دینا چاہتے ہیں،قائد حزب اختلاف نے کہاکہ ہنگائی، غربت اور بے روزگاری کو کم کرنے کیلئے اپنی پوری کوشش کرینگے،پریس کانفرنس کے دوران شہبا زشریف کوفون کال آگئی

جس کاجواب دیتے ہوئے انہوں نے کہاکہ جی بات کرتا ہوں، اتحادیوں سے بھی بات کرلیں،دھمکی آمیز کال کے حوالے سے سوال کاجواب دیتے ہوئے

شہباز شریف نے کہاکہ ہمارے کسی پارٹی ممبر اور اتحادی جماعتوں کو کوئی دھمکی آمیز یا دباؤ کی کال نہیں آئی،ایسی کون سی سازش ہے کہ 20 منٹ میں وزارت اعلیٰ کیلئے کاغذات داخل کرانے کا کہا گیا،بھی پتہ چلا ہے 4بجے اجلاس ہوگا 5بجے کاغذات نامزدگی جمع ہوں گے،انہوں نے کہاکہ ہماری سب سے پہلی کوشش ہوگی کہ غریب آدمی کی زندگی میں آسانی آئے

شہباز شریف نے کہا ہے کہ اللہ کے فضل سے ہم نے کرپشن کے خاتمے کا کبھی ڈھنڈورا نہیں پیٹا، ہم نے عوام کے منصوبوں میں کئی اربوں کی بچت کی لیکن پیسے بچانے پر کبھی ڈھنڈورا نہیں کیا۔