اسلام آباد: وزیر خزانہ اسحاق ڈار نے کہا ہےکہ ایف بی آر ٹیکس کے حقیقی امکانات کے حصول کے لیے کوششیں بڑھائے۔
وزیر خزانہ اسحاق ڈار کی زیرصدارت ایف بی آر کی ریونیو کارکردگی کا اجلاس ہوا جس میں معاونین خصوصی طارق باجوہ، طارق محمود پاشا اور چیئرمین ایف بی آر سمیت فنانس ڈویژن کے سینئر افسران شریک ہوئے۔
چیئرمین ایف بی آر عاصم احمد نے جولائی 2022 تا مارچ 2023 ریونیو اہداف اور کارکردگی پربریفنگ دی۔
اس موقع پر وزیر خزانہ اسحاق ڈار نے کہا کہ ایف بی آرمالی سال 2022-23 کے بقیہ مہینوں میں اپنے اہداف پورا کرنے کی کوشش کرے اور ٹیکس کے حقیقی امکانات کے حصول کے لیے کوششیں بڑھائے۔
