اسلام آباد(مانیٹرنگ ڈیسک)موبائل فون آج کے دور میں ہر کسی کی ضرورت سے زیادہ مجبوری بن کر رہ گیا ہے اور بعض اوقات کچھ لوگوں کے کے لیے یہ جان لیوا بن جاتا ہے۔
فوٹو اینڈ ویڈٰیوز شیئرنگ ایپلی کیشن انسٹا گرام پر ایک ویڈیو گردش کر رہی ہے جس میں دکھایا گیا ہے کہ کس طرح موبائل فون میں مگن نوجوان حادثے کا شکار ہوگیا۔
نوجوان موبائل فون کو استعمال کرتے ہوئے پیدل چل رہا ہے۔ اسے علم نہیں ہوتا کہ آگے کیا آ رہا ہے۔ وہ اسٹور کے کھلے ہول میں جا گرتا ہے لیکن زمین کے بجائے گتے کے ڈبوں پر گرنے سے کی وجہ سے وہ زخمی نہیں ہوا۔
ایسا ہی ایک واقعہ لندن میں پیش آیا تھا جہاں ایک نابالغ لڑکی موبائل چلاتے ہوئے اتنی مصروف تھی کہ سڑک پر بس نے اس کی جان لے لی تھی۔
یہ ہولناک حادثہ برطانیہ کے علاقے واٹ وچ میں گزشتہ ماہ پیش آیا تھا۔ غم زدہ والدین نے دیگر افراد کو تلقین کرتے ہوئے کہا ہے کہ وہ اس طرح اپنی زندگیاں خطرے میں نہ ڈالیں۔
سیان الیس نامی طالبہ اپنے اسکول سے گھر کی جانب رواں دواں تھی کہ اچانک یہ خطرناک حادثہ پیش آیا۔ وہ موبائل چلاتے ہوئے اس قدر مصروف ہوئی کہ اسے سامنے سے آنے والی بس پر دہان نہیں گیا۔ بدقسمتی سے وہ بس کے نیچے آکر ماری گئی۔
