کراچی(مانیٹرنگ ڈیسک) سابق گورنر عمران اسماعیل گورنر ہاؤس سے رخصت ہوگئے۔

 نجی ٹی وی کے مطابق عمران اسماعیل علی الصبح اہلخانہ سمیت ڈیفنس میں اپنی رہائش گاہ منتقل ہوئے۔ روانگی سے قبل ایک ٹرک میں ان کا ذاتی سامان بھی منتقل کیاگیا۔

رپورٹ کے مطابق عمران اسماعیل کا استعفیٰ صدر مملکت ڈاکٹر عارف علوی  نے دو روز قبل منظور کیا تھا۔

استعفیٰ منظور ہونے کے باجود بھی عمران اسماعیل گورنر ہاؤس میں رہائش پذیر تھے۔