بانی: عبداللہ بٹ      ایڈیٹرانچیف : عاقل جمال بٹ

بانی: عبداللہ بٹ

ایڈیٹرانچیف : عاقل جمال بٹ

 تازہ ترین

دیسی دکھائی دینے والے مصنوعی ذہانت سے بنے ٹی وی نیوز ریڈرز تیار، سود مند ہونگے یا نہیں بحث چھڑ گئی

بھارت کے ایک نیوز چینل ”اوڑیسہ ٹی وی“ نے پہلی علاقائی مصنوعی ذہانت کی حامل نیوز اینکر ”لیزا“ کی نقاب کشائی کی ہے۔ لیکن ایک طرف جہاں لیزا کو صنعت میں انقلاب لانے کی صلاحیت کے ساتھ ٹی وی نشریات اور صحافت میں ایک اہم سنگِ میل قرار دیا جارہا ہے، وہیں پاکستانی اس سے کچ خاص متاثر نظر نہیں آرہے۔

او ٹی وی کی جانب سے ٹوئٹر پر شیئر کی گئی ایک ویڈیو میں، لیزا نے اس تاریخی موقع پر جوش کا اظہار کرتے ہوئے اعتماد کے ساتھ اپنا تعارف کرایا۔

لیزا کے پاس متعدد زبانیں بشمول اوڈیا، انگریزی اور دیگر بولنے کی قابل ذکر صلاحیت ہے۔

او ٹی وی نے لیزا کو اوڈیا زبان میں تربیت دینے کے چیلنج کو تسلیم کیا اور انکشاف کیا کہ اس کی مہارت کو مزید بڑھانے کے لیے کوششیں جاری ہیں۔

تاہم، وفاقی وزیر برائے ماحولیاتی تبدیلی سینیٹر شیری رحمان جو کود بھی صحافی رہ چکی ہیں، ان کا اس حوالے سے کہنا تھا کہ ’یہ کام کرنے کے لیے کافی انسانی چہرے اور آوازیں ہیں۔ یہ معمولی یا بار بار کئے جانے والے کام نہیں ہیں جو انسان کرنا نہیں چاہتے ہیں۔ اور ہم کیوں چاہیں گے کہ یہ کھوکھلی آواز والے روبوٹ خبریں فراہم کریں، جس کے لیے جذباتی نزاکت، اینکرز کے ادارتی فیصلے کی ضرورت ہے، نہ کہ صرف ایک اینڈرائیڈ، بلیٹن کی دھاتی غیر انسانی شکل۔ مجھے اس بے تاثر اوتار کے بجائے کسی بھی وقت چیخنے والا نیوز رپورٹر اور عجیب خبر پڑھنے والا چاہئیے۔ کسی کو اسے آن ایئر کرنے کی ضرورت کیوں پڑ رہی ہے؟‘

شیری رحمان کی ٹوئٹ کے جواب میں اطالوی سفارت کار ڈینیلو گرڈنیلا نے لکھا، ’ میں اے آئی کے خلاف نہیں ہوں لیکن میں آپ سے متفق ہوں کہ تکنیکی کوششوں کو یقینی طور پر بہتر استعمال میں لایا جا سکتا ہے۔ نیز آج کل ایک خطرہ موجود ہے کہ اگر اے آئی کے زیر انتظام ”خودکار صحافت“ سچائی کے بجائے لوگوں کو خوش کرنے والی بن سکتی ہے۔’

دوسری جانب لیزا کی ویڈیو شئیر کرنے والے اظہر خان کو مخاطب کرتے ہوئے ڈاکٹر فرحان ورک نے لکھا،’ اظہر بھائی یہ انڈیا نے چونا لگایا ہے۔ یہ انگریزوں کے سادہ سے سافٹ وئیر ہیں۔ میں نے آپ کا ہم نام پاکستان کا سب سے پہلا آرٹیفیشل انٹیلیجنس والا پاکستانی نیوز اینکر بنا دیا ہے۔’

لیزا مصنوعی ذہانت کی حامل پہلی نیوز اینکر نہیں، دو سال قبل چین نے اپنے اے آئی نیوز اینکر ”شنہوا“ کو متعارف کرایا تھا جو تھری ڈی میں انسانی آوازوں، اشاروں اور طرز عمل کی نقل کر سکتا ہے۔

چینی حکومت شنہوا کو مکمل یا جزوی طور پر فنڈ دیتی ہے۔

اس سال کے شروع میں انڈیا ٹوڈے گروپ نے اپنی اے آئی نیوز اینکر ”ثنا“ کو متعارف کرایا۔

ثنا کو انڈیا ٹوڈے کنکلیو کے 20 ویں ایڈیشن کے دوران لانچ کیا گیا تھا۔

لیزا کا تعارف اس بات کا ثبوت ہے کہ میڈیا انڈسٹری میں اے آئی کی حدود کو آگے بڑھایا جا رہا ہے، جس سے مختلف زبانوں اور علاقائی سیاق و سباق میں پرکشش اور متحرک خبروں کی پیشکش کے نئے امکانات کھلتے ہیں۔

تازہ ترین
INDIA
بھارت کا ویمن ایشیا کپ کا ٹائٹل جیت کر محسن نقوی سے ٹرافی لینے سے انکار
WAPDA
نیپرا نے 58 ارب ڈالر کے بجلی پیداوار و ترسیلی پلان کی منظوری دیدی
SECRETRAIT
وفاقی ملازمین کے پے اسکیلز وکنٹریکٹ پالیسی میں ترمیم کا فیصلہ، آفس میمورنڈم جاری
MANGLE
محمود اچکزئی، اختر مینگل ملاقات، ملکی، علاقائی اور سیاسی صورتحال پر مشاورت
APPLE
آئی فون 17 کی عالمی قیمتوں میں کمی جبکہ ایپل کا 100 ڈالر کا اضافہ
PIZISHKIAN
پڑوسی ممالک ایران پر حملوں کیلئے اپنی سرزمین استعمال نہ ہونے دیں: پزشکیان
144
پنجاب میں 13 تا 17 ستمبر دفعہ 144 نافذ، اجتماعات و مظاہروں پر پابندی
PETROL-RELIF
پٹرول ریلیف، حکومت نے رجسٹریشن اور ٹوکن کا طریقہ کار بتا دیا