بانی: عبداللہ بٹ      ایڈیٹرانچیف : عاقل جمال بٹ

بانی: عبداللہ بٹ

ایڈیٹرانچیف : عاقل جمال بٹ

 تازہ ترین

’بابر اعظم کے بغیر یہ پرومو مذاق ہے‘، آئی سی سی کی ورلڈکپ ویڈیو پر شائقین برہم

انٹرنیشنل کرکٹ کونسل (آئی سی سی) نے بھارت میں 5 اکتوبر سے شروع ہونے والے کرکٹ ورلڈ کپ 2023 کے لیے آفیشل پروموشنل ویڈیو جاری کر دی ہے۔

آئی سی سی نے اپنے تمام سوشل میڈیا پلیٹ فارمز پر ورلڈ کپ 2023 کے آفیشل پرومو کی ویڈیو جاری کی۔

2 منٹ اور 13 سیکنڈ کی ویڈیو کے کیپشن میں آئی سی سی نے لکھا کہ ’آئی سی سی مینز کرکٹ ورلڈ کپ 2023 میں تاریخ لکھی جائے گی اور خواب سچ ہوں گے۔‘

ویڈیو میں ماضی میں ہونے والے کرکٹ ورلڈ کپ کی جھلکیوں کو دکھایا گیا ہے۔

یاد رہے کہ ون ڈے ورلڈ کپ 2023 کے میچز 5 اکتوبر سے 19 نومبر تک جاری رہیں گے، پہلا میچ 2019 کی ورلڈ کپ فائنلسٹ ٹیموں دفاعی چیمپیئن انگلینڈ اور نیوزی لینڈ کے درمیان ہوگا۔

روایتی حریف پاکستان اور بھارت کے درمیان میچ 15 اکتوبر کو بھارت کے سب سے بڑے احمد آباد اسٹیڈیم میں کھیلا جائے گا۔

آئی سی سی کی جانب سے جاری کردہ پروموشنل ویڈیو کے پس منظر میں بولی وڈ اداکار شاہ رخ خان کی آواز شامل کی گئی ہے۔

پرومو میں دکھائی جانے والی جھلکیوں میں آئی سی سی ون ڈے رینکنگ میں اس وقت نمبر 2 پوزیشن پر موجود پاکستان ٹیم کے کھلاڑیوں کی زیادہ تر ’مایوسی کی جھلکیاں‘ دکھائے جانے پر آئی سی سی کو کرکٹ فینز کی جانب سے شدید تنقید کا سامنا ہے۔

شائقین نے نشاندہی کی کہ پرومو میں پاکستان کھلاڑیوں میں شاداب خان کی گیند پر بھارتی بلے باز کا چھکا لگنا، محمد عامر کا بولڈ ہونا ، وہاب ریاض کا شاٹ لگنے کے بعد مایوس ہونا اور 1992 میں انضمام الحق کا رن آؤٹ دکھایا گیا ہے۔

https://twitter.com/SharyOfficial/status/1681932219202371585?ref_src=twsrc%5Etfw%7Ctwcamp%5Etweetembed%7Ctwterm%5E1681932219202371585%7Ctwgr%5E94ee7c9241e484d28ad8784beea1924afd32e81d%7Ctwcon%5Es1_c10&ref_url=https%3A%2F%2Fwww.dawnnews.tv%2Fnews%2F1208104

کئی شائقین نے یہ بھی نشاندہی کی کہ ویڈیو کے ایک سین میں پاکستانی فین مایوس بیٹھا ہوا ہے اور بھارتی فین اس کا جذبہ بڑھانے آتا ہے۔

اس پوری ویڈیو میں پاکستان کے صرف ایک خوشی کے لمحے کو دکھایا گیا ہے جس میں فاسٹ بولر شاہین آفریدی وکٹ لینے کے بعد اپنے مخصوص انداز میں سیلیبریٹ کررہے ہیں۔

تاہم پاکستانی شائقین آئی سی سی کی جانب سے جاری کردہ پرومو ویڈیو سے زیادہ متاثر نہیں ہوئے اور کئی شائقین نے مایوسی کا اظہار کرتے ہوئے کہا کہ کرکٹ کی دنیا میں نمبر ون بلے باز پاکستانی کپتان بابر اعظم ویڈیو میں کہیں نظر نہیں آئے۔

واضح رہے کہ بابر اعظم 2 سال سے ون ڈے رینکنگ میں پہلی پوزیشن پر براجمان ہیں اور 2021 اور 2022 کے ’آئی سی سی ون ڈے بیٹر آف دی ایئر ’کا اعزاز بھی حاصل کرچکے ہیں۔

پروموشنل ویڈیو میں ’پاکستانی کھلاڑیوں کی مایوسی کی جھلکیاں دکھانے پر‘ کرکٹ فینز آئی سی سی پر شدید تنقید کرتے ہوئے ’جانبداری‘ کا الزام لگا رہے ہیں۔

ٹوئٹر صارف احمد نجیب نے لکھا کہ ’نمبر ون بلے باز کے بغیر یہ پرومو ایک مذاق ہے‘۔

ایک ٹوئٹر صارف نے بھارتی کرکٹ بورڈ (بی سی سی آئی) کو ٹیگ کرتے ہوئے لکھا کہ اصلی اکاؤنٹ سے ہی پرومو ویڈیو پوسٹ کردیتے۔

عبداللہ نامی صارف نے لکھا کہ دنیا کا نمبر ایک بلے باز کہاں ہے؟ ویڈیو میں جانبداری کا مظاہرہ کیا گیا ہے۔

زرمینے نامی صارف نے لکھا کہ ’کیا یہ بھارت کی جانب سے بنائی گئی ویڈیو ہے؟ میں سمجھی آئی سی سی انٹرنیشنل کرکٹ کونسل ہے اور ون ڈے کے نمبر ون بلے باز کہاں ہیں؟

ارسلان نصیر نے طنزیہ انداز میں لکھا کہ ’تھوڑا اور دکھی دکھا دو پاکستانیوں کو؟؟‘

عبداللہ چیمہ نے لکھا کہ ’یہ لوگ بابر اعظم سے ڈرتے ہیں‘۔

آمنہ نے لکھا کہ ’بابر کو بھول گئے؟ چلو، وہ آپ لوگوں کو میچ میں تاریخ لکھنے میں مدد کرے گا، گیم آن ہے، چاہے آپ کا آفیشل پرومو کتنا ہی قابل فضول کیوں نہ ہو۔‘

تازہ ترین
ATTA
ملک بھر میں آٹامہنگا، 20 کلو تھیلے کی قیمت میں 100 روپے اضافہ ہوگیا
BAR
پاکستان بار کونسل نے نئے صوبوں کے قیام سے متعلق اہم قرارداد منظور کر لی
petroluim
اوگرا کی سفارش پر پیٹرول 2.20 روپے اور ڈیزل 1.50 روپے فی لیٹر سستا
MITHAN
بھارتی لیجنڈ اداکار متھن چکرورتی کی سرجری، اب حالت کیسی ہے؟
KANGNA
جین زی ’گٹر جنریشن‘ سے سب سے بڑی ’طاقت‘ بن گئے، کنگنا کا بڑا یوٹرن
PPP
نیب کو قومی نوعیت کے معاملات دیکھنےچاہئیں، فاروق نائیک
SHILPA
لاک اپ میں سلمان خان کی بطور میزبان بہت یاد آئی، شلپا شندے
RAZAI
پاک، ترکیہ کیساتھ دفاعی معاہدہ سعودیہ کی حفاظت کا ضامن نہیں: ابراہیم رضائی