بھارت کے مختلف حصوں میں ٹماٹر کی بڑھتی ہوئی قیمتوں کے باعث ایک ماں نے دبئی سے آنے والی بیٹی سے ٹماٹرلانے کی فرمائش کردی۔ بھارتی اداکارہ شلپا شیٹی نے بھی مہنگے ٹماٹروں کا مسئلہ دلچسپ اندازمیں بیان کیا ہے۔
دبئی کی رہائشی خاتون کی بہن نے ٹوئٹر پر یہ واقعہ شیئر کرتے ہوئے بتایا کہ ان کی بہن نے گرمیوں کی چھٹیوں میں بھارت آنے سے قبل والدہ سے پوچھا کہ دبئی سے آپ کیلئے کیا خریدنا چاہیےجس پر ماں نے دلچسپ جواب دیتے ہوئے کہا کہ، ”ٹماٹر لے آؤ“۔
My sister is coming to India from Dubai for her children's summer holidays and she asked my mum if she wanted anything from Dubai and my mother said bring 10 kilos of tomatoes. 😑😑 And so now she has packed 10kg tomatoes in a suitcase and sent it.
I mean…….— Revs 🙂 (@Full_Meals) July 18, 2023
ماں کی خواہش کو سنجیدگی سے لینے والی فرمانبردار بیٹی یہ خواہش پوری کرنے کے لیے سوٹ کیس میں 10 کلو ٹماٹر بھارت لے گئی۔
یہ ٹویٹ سوشل میڈیا پر تیزی سے وائرل ہوئی اور صارفین نے اپنے تبصروں مین دلچسپ سوالات پوچھے۔
اس سوال پر کہ وہ اتنے زیادہ ٹماٹر کیسے محفوظ رکھیں گی، ان کا کہنا تھا کہ وہ ٹماٹر کو چٹنی میں اور دیگر چیزوں کے ساتھ استعمال کریں گی کیونکہ یہ جلد خراب ہو جاتے ہیں۔
جہاں بہت سے صارفین نے سوٹ کیس میں ٹماٹر لانے پر پابندی کو بجا سمجھا وہیں کچھ سوشل میڈیا صارفین نے اسے دلچسپ جانا ۔
دوسری جانب سوشل میڈیا پربالی ووڈ اداکارہ شلپا شیٹی کی انسٹا پوسٹ بھی خاصی وائرل ہے۔
View this post on Instagram
اداکارہ اس ویڈیو میں سُپر اسٹور سے ٹماٹرخریدتے ہوئے ٹماٹروں کی بڑھتی کو پُرمزاح انداز میں اپنی مقبول فلم ’دھڑکن‘ کے ڈائیلاگز کے ساتھ اجاگرکررہی ہیں۔
واضح رہے کہ بھارت میں ٹماٹر بہت مہنگے ہیں اورعام آدمی کی قیمت خرید سے باہر ہوچکے ہیں۔
