ہرارے اسپورٹس کلب میں کھیلے گئے میچ میں ہرارے ہریکینز نے شاندار کارکردگی کا مظاہرہ کرتے ہوئے تجربہ کار رابن اتھپا نے ڈربن قلندرز کے خلاف شاندار نصف سنچری اسکور کی اپنی ٹیم کو 24 رنز سے فتح دلائی۔
پہلے بیٹنگ کرتے ہوئے ہرارے ہریکینز کے اوپنرز اچھی فارم میں تھے اور انہوں نے ڈربن قلندرز کے بالرزکی ایک نہ چلنے دی ۔ رابن اتھپا اور ریجس چکابوا دونوں اننگز کے ابتدائی مراحل میں باؤنڈری سے نمٹ رہے تھے اور قلندرز کو بریک لگانے میں مشکلات کا سامنا کرنا پڑ رہا تھا۔
اتھپا نے آدھے مرحلے کے فورا بعد اپنی نصف سنچری مکمل کی لیکن وہ 53 رنز سے آگے نہیں بڑھ سکے۔ انہوں نے 23 گیندوں کی اننگز کے دوران چار چھکے اور پانچ چوکے لگائے وہ ساتویں اوور میں 92 پر اسکور کے ساتھ آؤٹ ہونے والے پہلے کھلاڑی تھے۔
اس کے بعد فریرا اور محمد نبی نے مقررہ 10 اوورز میں ہریکینز کا اسکور 2 وکٹوں کے نقصان پر 134 تک پہنچایا
جواب میں قلندرز کو ابتدائی سے مشکلات کا سامنا رہا کیونکہ انہوں نے تیسرے اوور میں فارم میں موجود اوپنر ٹم سیفرٹ کو 8 رنز پر کھو دیا۔ اس کے بعد آندرے فلیچراور حضرت اللہ زازئی نے ذمہ داری سنبھالی۔
آخری اوور میں زازئی اور فلیچر کو جیت کے لیے 31 رنز درکار تھے اور اگرچہ انہوں نے کوشش کی تاہم زازئی 49 رنز پر آؤٹ ہو گئے اور قلندرز کو 24 رنز سے شکست کا سامنا کرنا پڑا۔