بہاولپور(مانیٹرنگ ڈیسک)ق لیگ کے مرکزی رہنما اور وفاقی وزیر طارق بشیر چیمہ نے کہاہے کہ میری ساکھ کونقصان پہنچانے کےلئے 25 ہزار بچیوں کی عزت سے کھیلا گیا، انہوں نے کہا کہ بہالپوریونیورسٹی سکینڈل میں وائس چانسلر ذمہ دار ہے، انہوںنے اپنے بیٹے کے ملوث ہونے کے کی خبرو ں کی تردید اور کہا کہ اگر کسی کے پاس میرے بیٹے کی ویڈیو ثبوت ہے تو لائے۔

نجی ٹی وی چینل کے مطابق طارق بشیر چیمہ کا کہنا ہے کہ بچیوں کے والدین مجھے فون کرکے اپنی بچیوں کے مستقبل بارے پوچھتے ہیں،اگر یہ معاملہ جاری رہتا تو بات کہاں جا کر رکنی تھی، وفاقی وزیر کا کہناتھا کہ یونیورسٹی میں پڑھنے والی تمام بچیاں ہماری ہیں،اگر کسی کے پاس کوئی ثبوت ہے تو خدا کے واسطے سامنے لاؤ،چیف جسٹس کمیشن بنا کرشفاف انکوائری اور تحقیقات کروائیں۔