اسلام آباد(مانیٹرنگ ڈیسک) مسلم لیگ (ن) کے سینئر رہنما وسابق وزیر دفاع خواجہ آصف نے کہا ہے کہ پاکستان مذہب یا قومیت کی تفریق کے بغیر سب کا وطن ہے۔
سماجی رابطوں کی ویب سائٹ ٹوئٹر پر خواجہ آصف نے کہا کہ مذہب کے نام پر قانون کو ہاتھ میں لینے کا کسی کو حق نہیں پہنچتا۔
پاکستان مذھب یا قومیت کی تفریق کے بغیر اس میں بسنے والے تمام باسیوں کا وطن ھے۔ کسی کو حق نہیں پہنچتا کے مذھب کے نام پہ قانون کو ھاتھ میں لے۔ جڑانوالہ کے واقعات نے پوری قوم کو شرمسار کیا ھے۔مسلم اکثریت پہ لازم ھے کے وہ اقلیتوں کے تحفظ کو لازم بنائے۔ ھمارا دین محبت اور رواداری کی… pic.twitter.com/8rw5a7KiMv
— Khawaja M. Asif (@KhawajaMAsif) August 16, 2023
خواجہ آصف نے کہا کہ جڑانوالہ کے واقعات نے پوری قوم کو شرمسار کیا ہے۔ مسلم اکثریت پر لازم ہے کہ وہ اقلیتوں کے تحفظ کو یقینی بنائے۔
سابق وفاقی وزیر مسلم لیگ ن کے مرکزی رہنما کا اس حوالے سے مزید کہنا تھا کہ ہمارا دین محبت اور رواداری کی تلقین کرتا ہے۔ ہمارے رویے ہمارے دین سے مطابقت نہیں رکھتے۔ قانون کا نفاذ بلا تفر یق ہونا چاہیے۔
