لاہور: مشترکہ تحقیقاتی ٹیم (جے آئی ٹی) نے سانحہ 9 مئی کی تحقیقات کے دوران جناح ہاؤس مقدمے میں چیئرمین پی ٹی آئی عمران خان، اسد عمر اور شاہ محمود قریشی سمیت دیگر رہنماؤں کو گنہگار قرار دے دیا۔

نجی ٹی وی کے مطابق جے آئی جی کے سربراہ عمران کشور نے تفتیش مکمل کرلی ہے، جس میں جے آئی ٹی نے چئیرمین پی ٹی آئی کی بہنوں کو بھی گنہگار قرار دیا ہے۔
جے آئی ٹی کی تحقیقات میں انکشاف ہوا کہ چیئر مین پی ٹی آئی کے کہنے پر جناح ہاؤس پر حملہ ہوا، عمران خان نے تفتیش میں حملہ کرانے کا اعتراف کیا۔
جے آئی ٹی نے چیئرمین پی ٹی آئی کو 3 بار شامل تفتیش کیا، جے آئی ٹی اٹک جیل میں بھی بیان ریکارڈ کرنے گئی۔
9 مئی کیس میں جلد چئیرمین پی ٹی آئی کی گرفتاری ڈالی جائے گی۔
عسکری ٹاور جلاؤ گھیراؤ کیس میں تفتیش تاحال جاری ہے، دونوں مقدمات کی تفتیش کیلئےعلیحدہ جے آئی ٹیز بنائی گئی ہیں۔