افغانستان کے صوبے ہرات میں گزشتہ روز شدید زلزلہ آیا جو ایک ہزارسےزائد انسانی جانوں کو نگل گیا۔
افغان حکام کے مطابق صوبے ہرات میں آنے والے زلزلے کی شدت 6.3 ریکارڈ کی گئی جس کے سبب انفرا اسٹرکچر کو شدید نقصان پہنچا جبکہ بادغیس اور فرح صوبے میں بھی آفٹر شاکس محسوس کیے گئے۔
افغان حکام کی جانب سے بتایا گیا کہ زلزلے کی وجہ سے 600 سے زائد افراد زخمی جبکہ ایک ہزارسےزائد افراد اپنی جانوں سے ہاتھ دھو بیٹھے۔
حکام نے یہ بھی بتایا کہ زلزلے کے نتیجے میں زندہ جان اور غوریان اضلاع کے 12 دیہات مکمل تباہ ہو گئے، ملبے سے مزید لوگوں کو نکالنے کیلئے سرچ اینڈ ریسکیو آپریشن جاری ہے۔
دوسری جانب اقوام متحدہ کی رابطہ برائے انسانی حقوق کی رپورٹ کے غیر مصدقہ تخمینہ کے مطابق زلزلے میں 320 افراد ہلاک ہوئے ہیں۔
At least 100 people were killed and a further 500 injured in today’s 6.3 magnitude #earthquake in Herat Province. Read more here about ongoing humanitarian response efforts in our latest Flash Update:👇https://t.co/bPOPyh75WO
— OCHA Afghanistan (@OCHAAfg) October 7, 2023
اس کے علاوہ امریکی زلزلہ پیما مرکز کے مطابق زلزلے کا مرکز ہرات سے 40 کلو میٹر شمال مغرب کی طرف تھا جبکہ بعد میں تین افٹر شاکس کو بھی محسوس کیا جن کی شدت 6.3، 5.9، 5.5 تھی۔
