آسٹریلین کرکٹر عثمان خواجہ نے فلسطینیوں سے اظہار یکجہتی جاری رکھی ہوئی ہے، بگ بیش لیگ کے دوران بھی جوتوں اور بیٹ پر امن کی علامات نمایاں کردیں۔
آسٹریلیا کے شہر برسبین میں کھیلے جارہے بیگ بیش لیگ میں برسبین ہیٹ کے عثمان خواجہ نے پرتھ سکارچرز کے خلاف بیٹنگ کررہے تھے۔
میچ کے دوران عثمان خواجہ نے جوتوں اور بیٹ پر زیتون کی شاخ اور فاختہ کی تصاویر آویزاں کیں، جس پر آئی سی سی نے پابندی عائد کی تھی۔
آئی سی سی نے عثمان خواجہ کو پاکستان کے خلاف ٹیسٹ سیریز میں ایسا کرنے سے منع کردیا تھا۔
پاکستان کے خلاف باکسنگ ڈے ٹیسٹ سے قبل آسٹریلین کرکٹ بورڈ نے عثمان خواجہ کو اجازت دے دی تھی، تاہم گورننگ باڈی نے انہیں کھیل کے دوران ایسی تصاویر آویزاں کرنے کی اجازت دینے سے انکار کر دیا تھا، البتہ بی بی ایل پر آئی سی سی کا کوئی کنٹرول نہیں ہے کیونکہ یہ ایک ڈومیسٹک ٹورنامنٹ ہے۔
عثمان خواجہ کے بلے کے عقب میں فاختہ کی تصاویر آویزاں تھی، لیکن بدقسمتی سے چوتھی گیند پر شاٹ لگانے کے دوران بیٹ ٹوٹ گیا، جس کی وجہ سے انہیں دوسرا بیٹ استعمال کرنا پڑا۔
"I just thought I was shanking them"🤣
Usman Khawaja discusses batting with a broken bat 🏏
📺 WATCH #BBL13 on Ch. 501 or stream via @kayosports https://t.co/dpchWgq8om
📝 BLOG https://t.co/uAqnxKjjGS
📲 MATCH CENTRE https://t.co/I1FWcaoMWa pic.twitter.com/xjOCZ0wLNQ— Fox Cricket (@FoxCricket) January 10, 2024
Lucky Usman Khawaja listened to his wife @rachel_khawaja, otherwise he wouldn't have had a second bat to use when the first one broke 😂 #BBL13 pic.twitter.com/daza3f1i0b
— 7Cricket (@7Cricket) January 10, 2024
اس سے قبل دسمبر 2023 میں پاکستان کے خلاف پرتھ ٹیسٹ کے دوران فلسطینیوں سے اظہار یکجہتی کے لیے سیاہ پٹی باندھ کر میچ میں شرکت کرنے پر انٹرنیشنل کرکٹ کونسل (آئی سی سی) نے آسٹریلین اوپننگ بلے باز عثمان خواجہ پر فرد جرم عائد کی تھی۔
اسی ٹیسٹ سیریز میں عثمان خواجہ نے پریکٹس سیشن کے دوران فلسطینیوں کے حق میں آواز بلند کرنے کے لیے خصوصی جوتے پہن کر شرکت کی تھی جس پر ’آزادی انسانی حق ہے‘ اور ’تمام انسانی جانیں برابر ہیں‘ جیسے نعرے درج تھے۔
Thank you to all those who supported and gave me love this week. It wasn't unnoticed 💕. Nothing worthwhile is easy. History shows we are doomed to repeat the mistakes of our past. But together we can fight for a better future. 🙏🏾 #freedomisahumanright #alllivesareequal pic.twitter.com/HAhbebDbCT
— Usman Khawaja (@Uz_Khawaja) December 18, 2023
