الیکشن کمیشن نے رحیم یار خان میں ایک امیدوار کی جانب سے ریٹرننگ افسر کو ہراساں کیے جانے پر صوبائی الیکشن کمشنر کو مذکورہ امیدوار کے ہمراہ الیکشن کمیشن آفس اسلام آباد میں معاملے کی باقاعدہ سماعت کے لیے طلب کرلیا ہے۔

سوشل میڈیا پر ایسی ویڈیوز وائرل ہیں جن میں امیدوار کی جانب سے رحیم یارخان میں آر او کو ہراساں کیا جارہا ہے۔

یہ واقعہ قومی اسمبلی کے حلقہ این اے 171 کے امیدوار کی جانب سے ڈی آر او آفس میں پیش آیا۔

وائرل ویڈیو میں امیدوار کو برہمی کا اظہار کرتے ہوئے یہ کہتے ہوئے دیکھا جاسکتا ہے کہ ، ’کسی عدالت کی جرات ہے کہ ہمیں کہے کہ باہر جا کر لان میں کھڑے ہوجاؤ۔

حلقہ این اے 171 رحیم یار خان میں ریٹرننگ افسر کی بدمعاشی نکال دی pic.twitter.com/BnK18rA2fm

— Nafay Gul (@Mnafaygul) January 14, 2024

Returning officer is being harassed by a local candidate, having PTI’s support, in Rahim Yar Khan. pic.twitter.com/1z64YTBfWf

— Zahid Gishkori (@ZahidGishkori) January 14, 2024

امیدوار نے ریٹننگ افسر سے یہ بھی کہا کہ آپ کی یہ کرسی ہمارے پیسوں کی دی ہوئی ہے سرکار، ہمارے ٹیکس کے پیسوں سے تنخواہ لیتے ہیں آپ اور آپ ہمیں کہتے ہیں کھڑے ہوجاؤ جاکر۔

ترجمان الیکشن کمیشن کی جانب سے اس حوالے سے جاری کی جانے والی پریس ریلیز میں واقعے کی تفصیلات بتاتے ہوئے کہا گیا ہےکہ این اے 171 میں ایک امیدوار نے انتخابئی نشان کی الاٹمنٹ کے موقع پر مداخلت کی ۔

پریس ریلیز pic.twitter.com/2hytSyppV3

— Spokesperson ECP (@SpokespersonECP) January 14, 2024

ترجمان کے مطابق معاملے کی سنگینی کے پیش نظر الیکشن کمیشن نے فوری طور پر نوٹس لیا، چیف الیکشن کمشنر نے ذاتی طور پر چیف سیکرٹری پنجاب، ڈی آراور، ڈپٹی کمشنر رحیم یارخاناور ڈی پی او سے بات کر کے ابتدائی معلومات حاصل کیں۔

پراساں کرنے والے امیدوار کو الیکش کمشنر پنجاب کے ساتھ منگل کو الیکشن کمیشن آفس اسلام آباد میں طلب کرلیا گیا ہے تا کہ آئین اور قانون کے تحت مزید کارروائی کی جاسکے۔