قطر میں جاری ایشین فٹبال کپ میں فلسطین نے ہانگ کانگ کو ہرا کر پہلی بار پری کوارٹر فائنل میں جگہ بنالی، یہ فلسطین کی ایشین کپ کی تاریخ میں پہلی فتح بھی ہے۔
غیر ملکی خبر رساں اداروں کی رپورٹ کے مطابق 23 جنوری کو فلسطین فٹبال ٹیم نے ہانگ کانگ کے خلاف شاندار کھیل پیش کیا اور میچ تین صفر سے جیت کر سب کو حیران کردیا۔
فلسطین کی جانب سے اودے دباغ نے 2 اور زید قنبر نے ایک گول کیا، میچ میں کامیابی کے بعد فلسطین نے پہلی بار ایونٹ کے پری کوارٹر فائنل میں جگہ بنالی۔
اگرچہ وہ گروپ سی میں دوسری پوزیشن حاصل نہیں کر پائے، فلسطین اب بھی تیسرے نمبر پر آنے والی ٹاپ چار ٹیموں میں شامل ہے۔
Palestine are well on their way to winning their first-ever AFC Asian Cup match AND advancing to the knockout stage. 🇵🇸 pic.twitter.com/7Almi8Xq2P
— CBS Sports Golazo ⚽️ (@CBSSportsGolazo) January 23, 2024
فلسطینی فٹبال ٹیم کی یہ تاریخی فتح غزہ میں اسرائیل اور حماس کے درمیان جاری جنگ کے درمیان ہوئی ہے، اس جنگ میں فلسطینی کھلاڑیوں اور عملے نے پیاروں کو کھو دیا ہے۔
میچ سے پہلے ایک لمحے کی خاموشی اختیار کی گئی اور پھر ’فلسطین کو آزاد کرو‘ کے نعرے بھی لگائے گئے۔
Palestine win their first-ever Asian Cup match 👏
They finish the group stage in third place but still have a chance to advance to their first-ever major tournament KO stage if they place within the four best third-placed teams. pic.twitter.com/zIPSWPba74
— ESPN FC (@ESPNFC) January 23, 2024
تاریخی فتح کے بعد فلسطینی ٹیم کے کپتان مصعب البطات نے بی آئی این سپورٹس سے بات کرتے ہوئے کہا کہ ’فلسطین اور فلسطین کی قومی ٹیم کی حمایت کے لیے آنے والے مداحوں کا شکریہ۔ ہمارے دل سے آپ کا شکریہ۔‘
انہوں نے کہا کہ ’ہم لوگوں کے چہروں پر مسکراہٹ لانے کی پوری کوشش کریں گے۔‘
دوسری جانب فٹبال ایشین کپ میں شام نے بھی ٹورنامنٹ کے ناک آؤٹ مرحلے کے لیے کوالیفائی کر کے تاریخ رقم کر دی ہے۔
Palestine football team player Mohammed Saleh talks about family members killed in recent Israel attacks.
Mo has been unable to communicate with his family for over a week. Now imagine how he focuses on the Asian cup — yet no sports media in Europe is covering these stories. pic.twitter.com/yxSHiIGo4g
— Leyla Hamed (@leylahamed) January 20, 2024
