بانی: عبداللہ بٹ      ایڈیٹرانچیف : عاقل جمال بٹ

بانی: عبداللہ بٹ

ایڈیٹرانچیف : عاقل جمال بٹ

ٹیکسلا میں بزرگ خاتون پر پولیس تشدد، نامزد وزیراعلیٰ پنجاب مریم نواز نے نوٹس لے لیا

پنجاب کی نامزد وزیراعلیٰ مریم نواز شریف نے ٹیکسلا میں بزرگ خاتون پر پولیس کے تشدد کا نوٹس لیتے ہوئے نگراں وزیر اعلیٰ محسن نقوی کو واقعے میں ملوث ذمہ داروں کے خلاف کارروائی کی ہدایت کردی۔

مریم نوازشریف نے پولیس کے تشدد کے واقعے پر نگراں وزیراعلیٰ پنجاب محسن نقوی سے رابطہ کیا اور ہدایت کی کہ واقعے کی تحقیق کرائی جائے اور ذمہ داروں کے خلاف کارروائی عمل میں لائی جائے۔

نگراں وزیراعلیٰ پنجاب نے مریم نواز کو یقین دہانی کرائی کہ مذکورہ واقعے کی تحقیقات ہوں گی اور تشدد کرنے والے اہلکاروں کے خلاف کارروائی ہوگی۔

مریم نوازشریف نے بزرگ خاتون پر پولیس کے تشدد پر شدید دکھ اور افسوس کا اظہار کرتے ہوئے کہا کہ پنجاب اسمبلی کے اجلاس کی وجہ سے ابھی مجھے اس واقعے کی اطلاع ملی، جس پر بے حد دکھ ہوا ہے۔

انہوں نے مزید کہا کہ اس طرح کی پولیس گردی کارویہ کسی صورت برداشت نہیں۔