پی ٹی آئی کے بیرسٹر گوہر نے اعلان کیا ہے کہ زلفی بخاری پنجاب سے پارٹی کے امیدوار ہوں گے، زلفی بخاری پر اعتراض آتا ہے تو راجہ ناصر عباس امیدوار ہوں گے، زلفی بخاری اور راجہ ناصر عباس کے سوا تمام امیدوار اپنے کاغذات نامزدگی واپس لے لیں گے۔
منگل کو اڈیالہ جیل کے باہر گفتگو کرتے ہوئے بیرسٹر گوہر نے کہا کہ پنجاب میں پارلیمانی لیڈر میاں اسلم ہوں گے، پنجاب میں سینیٹ کے انتخاب کے لیے زلفی بخاری کے نام کا اعلان ہوا ہے، کےپی میں فیض الرحمان ،شفقت ایاز امیدوار ہونگے۔
انہوں نے کہاکہ کہ کےپی سے ٹیکنوکریٹ کی سیٹ پر اعظم سواتی امیدوار ہونگے،اعظم سواتی پر اعتراض ہوا تو نورالحق قادری امیدوار ہونگے۔
بیرسٹر گوہر نے کہاکہ عمران خان اوراہلیہ کے خلاف بے بنیاد کیسز بنائےگئے، عمران خان کا بیان ہے آخری گیند تک لڑوں گا۔
ایک سوال پر بیرسٹر گوہر نے کہاکہ بشریٰ بی بی کے بیان کو پالیسی بیان سمجھیں۔
یاد رہے کہ منگل کو بشریٰ بی بی نے اڈیالہ جیل میں کافی جذباتی گفتگو کی جس کے دوران عمران خان انہیں روکتے رہے۔
بیرسٹر گوہر نے کہا کہ بشریٰ بی بی کو قید تنہائی میں رکھا جا رہا ہے، اڈیالہ جیل میں بانی پی ٹی آئی پرالقادرٹرسٹ کاٹرائل چل رہاہے، یہ وہ کیس ہے جس میں ایک گواہ آیا۔
