اسلام آباد(ممتازنیوز)وزیراعظم شہباز شریف نے سعودی عرب روانگی سے قبل کسانوں کی شکایات پر سخت نوٹس لیتے ہوئےوفاقی حکومت کوگندم کی فوری خریداری کا حکم جاری کردیا۔وزیراعظم نے وفاقی حکومت کا گندم خریداری کا 1.4 ملین میٹرک ٹن کا ہدف بڑھا کر 1.8 ملین میٹرک ٹن کرتے ہوئے پاسکو کو گندم خریداری کا ہدف بڑھانے اور فوری خریداری یقینی بنانے کے احکامات جاری کر دئیے،وزیراعظم نے گندم کی خریداری کے حوالے سے پاسکو کو شفافیت اور کسانوں کی سہولت کو ترجیح دینے کی ہدایت کر دی،وزیراعظم شہباز شریف نےکسانوں کی گندم خریداری سے متعلق مشکلات کو دیکھتے ہوئے یہ قدم اٹھایا ہے۔