گلگت(ممتازنیوز)راجہ شہبازنےچیف الیکشن کشمنر گلگت بلتستان کے عہدے کاحلف اٹھالیا،عزت مآب چیف جج گلگت بلتستان سپریم اپیلٹ کورٹ جسٹس سردار محمد شمیم خان نے نئے تعینات ہونے والے چیف الیکشن کشمنر سے حلف لیا۔
اس تقریب میں اہم شخصیات نے شرکت کی جن میں وفاقی وزیر امور کشمیر و گلگت بلتستان انجینئر امیر مقام، کوآرڈینٹر وزیر اعظم امور کشمیر و گلگت بلتستان شبیر احمد عثمانی، وزیر اعلیٰ گلگت بلتستان حاجی گلبر خان، سیکرٹری کشمیر افئیرز و گلگت بلتستان وسیم اجمل چوہدری، جوائنٹ سیکرٹری گلگت بلتستان کونسل سدھیر خان خٹک،چیف جسٹس ریٹائرڈ سید ارشد حسین شاہ سپریم ایپلیٹ کورٹ گلگت بلتستان، چیئرمین پبلک اکائونٹس کمیٹی اقبال نصیر، چیئرمین سٹینڈنگ کمیٹی ایوب شاہ گلگت بلتستان کونسل ، محمد علی ممبر گلگت بلتستان کونسل، سید شبیع الحسنین ممبر گلگت بلتستان کونسل اور پرووینشل الیکشن کشمنر عابد رضا شامل تھے۔
حلف برداری کی تقریب کی میزبانی رجسٹرار سپریم ایپلیٹ کورٹ گلگت بلتستان عاقل حسن چوہان صاحب نے کی۔ علاوہ ازیں سپریم ایپلیٹ کورٹ اور الیکشن کمیشن گلگت بلتستان کے افسران و عملہ بھی حلف برداری کی تقریب میں موجود تھا۔
حلف برداری کی تقریب کے اختتام پر وفاقی وزیر امور کشمیر و گلگت بلتستان انجینئر امیر مقام، وزیر اعلیٰ گلگت بلتستان حاجی گلبر خان اور معزز مہمانوں نے جج ریٹائرڈ راجہ شہبار خان چیف الیکشن کشمنر گلگت بلتستان کو مبارک دی اور نیک خواہشات کا اظہار کیا ۔
