facebook-domain-verification" content="ck1ojg2es5iiyqif2wy9qloqe1qs4x

بانی: عبداللہ بٹ      ایڈیٹرانچیف : عاقل جمال بٹ

بانی: عبداللہ بٹ

ایڈیٹرانچیف : عاقل جمال بٹ

 تازہ ترین

اسرائیلی جارحیت خطرناک حد تک خطے کے امن کو متاثر کررہی ہے، پاکستان

اسلام آباد:ترجمان دفتر خارجہ ممتاز زہرا بلوچ نے ہفتہ وار بریفنگ میں کہا کہ پاکستان حماس کے رہنما اسماعیل ہنیہ کے قتل کی مذمت اور ان کے خاندان کے ساتھ تعزیت کرتا ہے۔ پاکستان اسرائیل کی علاقے میں جارحیت اور لبنان پر حملے کی شدید مذمت کرتا ہے۔ اسرائیلی خطرناک جارحیت سے خطے کا امن خطرے میں ہے۔
ترجمان دفتر خارجہ نے کہا کہ یہ اقوام عالمی قونین، اقوام متحدہ اور لبنان کی سالمیت و خودمختاری کی کھلی خلاف ورزی ہے، گزشتہ روز حماس کے سیاسی بیورو کے سربراہ اسماعیل ہانیہ کا قتل بھی اسرائیلی جارحیت ہے جس کی ہم بھرپور مذمت کرتے ہیں۔
ترجمان دفتر خارجہ نے بریفنگ میں کہا کہ اس ہفتے دولت مشترکہ ممالک کی سیکرٹری جنرل پیٹریشیا اسکاٹ لینڈ نے پاکستان کا دورہ کیا، نائب وزیر اعظم اسحاق ڈار نے تہران ایران کا دورہ کیا، انہوں نے ایرانی صدر مسعود پزیشکیان کی تقریب حلف برداری میں بھی شرکت کی اور ایرانی قیادت کو تہنیتی پیغامات پیش کیے۔
ترجمان کے مطابق سیکریٹری خارجہ نے لاؤس آسیان کا دورہ کیا اور آسیان اجلاس میں شرکت کی، سری لنکا کے سیکرٹری خارجہ کی قیادت میں سری لنکن وفد نے بھی پاکستان کا دورہ کیا۔
ممتاز زہرا بلوچ نے کشمیر کے معاملے پر گفتگو کرتے ہوئے کہا کہ 5اگست 2019 جموں و کشمیر کی تاریخ کا ایک سیاہ دن ہے، اس دن بھارت نے جموں و کشمیر کا یک طرفہ و غیر قانونی طور پر اسٹیٹس تبدیل کیا۔ پاکستان ہمیشہ کشمیر کے لیے آواز اٹھاتا رہے گا، اور کشمیریوں کی سیاسی و اخلاقی امداد جاری رکھے گا۔
’پاکستان نے 5 اگست 2019 کے بھارتی اقدام پر سنجیدہ تحفظات کا اظہار کیا ہے اور اسے انسانی حقوق کی تنظیموں کے ساتھ شیئر کیا ہے، 5 اگست کے حوالے سے جلد کچھ تفصیلات شیئر کریں گے‘۔
طالبان کو بڑا خطرہ قرار دیتے ہوئے ممتاز زہرا بلوچ نے کہا کہ تحریک طالبان پاکستان ایک بڑا علاقائی خطرہ بننے کی صلاحیت رکھتی ہے، پاکستان اس بات کو یقینی بنانے کی کوشش کرتا رہے گا کہ افغان سرزمین دہشتگردی کے لیے استعمال نہ ہو، اور پاکستان دہشت گرد گروہوں کے خلاف کارروائیاں جاری رکھے گا۔
ممتاز زہرا بلوچ نے کہا کہ ہم نے حماس کے رہنما کے قتل پر جامع مذمتی بیان جاری کیا، ان کے خاندان سے تعزیت کی ہے۔ اسرائیل کے لبنان پر حملے کی مذمت کی، غزہ میں جاری نسل کشی کی مذمت کی، اسرائیل کے جنگی جرائم کی مذمت کی ہے۔ خطے کی صورتحال پر او آئی سی سمیت دیگر پلیٹ فارمز پر آواز اٹھا رہے ہیں۔ ہمارا موقف یہی ہے کہ جنگی جرائم پر اسرائیل کے خلاف کارروائی ہونی چاہیے۔
’پاکستان میں موجود غیر ملکی پاکستان کے مہمان ہیں اور ہم ان کی سیفٹی کے لیے کام کرتے رہیں گے، اور غیر ملکی سفرا کی حفاظت کو یقینی بنائیں گے‘۔
انہوں نے کہا کہ اسماعیل ہنیہ کے قتل سے متعلق پاکستان ایرانی حکام سے تفصیلات کا منتظر ہے، پاکستان سمجھتا ہے کہ ایرانی حکام ہمارے ساتھ تفصیلات شیئر کریں گے۔
ترجمان دفتر خارجہ نے خلیجی ممالک میں پاکستانی ورکرز کے بارے میں گزشتہ بیانات کا ذکر کرتے ہوئے کہا کہ اس بارے وزارت سمندر پار پاکستانی جواب دے سکتی ہے، پاکستانی ان ملکوں کی ترقی کے لیے کام کر رہے ہیں، چند لوگ جرائم میں ملوث ہوتے ہیں، زیادہ تر پاکستانی وہاں کے قانون کا احترام کرتے ہیں۔
بھارتی میڈیا کے پاکستانی کی جانب سے در اندازی پر بات کرتے ہوئے ممتاز زہرا بلوچ نے کہا کہ بھارتی میڈیا پاکستان پر الزام لگانے کا عادی ہے۔ پاک افغان بارڈر پر تجارت کی صورتحال معمول کے مطابق ہے۔
انہوں نے کہا کہ علی ڈار کی ایرانی صدر کی حلف برداری میں شرکت پر تبصرہ نہیں کروں گی، نائب وزیراعظم نے وزیراعظم کی خرابی صحت کے باعث شرکت کی۔

تازہ ترین
کوئی شک نہیں کہ کشمیر ایک دن آزاد ہو گا اور کشمیری عوام کی مرضی اور تقدیر کے مطابق پاکستان کا حصہ بنے گا، آرمی چیف
کشمیریوں کے ساتھ کھڑے ہیں، بھارت تنازعہ کشمیر پر بامعنی اور نتیجہ خیز مذاکرات کرے، وزیراعظم شہباز شریف
پاکستان ہر محاذ پر کشمیری عوام کی حمایت جاری رکھے گا،یوسف رضاگیلانی
مسئلہ کشمیر کا اقوام متحدہ کی سلامتی کونسل کی قراردادوں کے مطابق حل ناگزیر ہے،ایاز صادق
پاکستان کشمیری عوام کی اخلاقی، سیاسی اور سفارتی حمایت جاری رکھے گا: عطاءاللہ تارڑ
کشمیریوں کے حق خودارادیت کی منصفانہ جدوجہد کیلئے مکمل اخلاقی، سفارتی اور سیاسی حمایت جاری رکھیں گے، صدر مملکت آصف علی زرداری کا یوم ِیکجہتی کشمیر کے موقع پر پیغام
ملک بھر میں آج کشمیریوں سے اظہار یکجہتی کا دن منایا جا رہا ہے
پاکستان کشمیری عوام کے حق خودارادیت کے حصول کی منصفانہ جدوجہد کی حمایت جاری رکھے گا،وفاقی وزیر انجینئر امیر مقام کا یوم یکجہتی کشمیر کے موقع پر پیغام