واشنگٹن (انٹرنیشنل ڈیسک) امریکی صدر جو بائیڈن نے اماراتی صدر شیخ محمد بن زاید النیہان سے وائٹ ہاؤس میں ملاقات کی، جس میں اسرائیل اور لبنان کے درمیان بڑھتی ہوئی کشیدگی کو کم کرنے کے اقدامات پر تبادلہ خیال کیا گیا۔

خبر ایجنسی کے مطابق، دونوں رہنماؤں نے غزہ میں جنگ بندی کی کوششوں پر بھی گفتگو کی۔ جوبائیڈن نے کہا کہ ان کی ٹیم اسرائیل اور لبنان کے درمیان کشیدگی کم کرنے کے لیے مستقل بنیادوں پر کام کر رہی ہے۔

دوسری جانب، اسرائیل کے لبنان پر حملوں کے نتیجے میں ایک دن میں کم از کم 356 افراد ہلاک اور 1,200 سے زائد زخمی ہوئے ہیں۔